సినిమా విడుదలయ్యాక పైరసీ ఎంత ఇబ్బంది పెడుతుందో అందరికీ తెలిసిందే. అయితే ఇప్పుడు దానికి తమ్ముడులా తయారైంది లీకేజీ. సినిమా చిత్రీకరిస్తున్నప్పుడు దొంగతనంగా కొంతమంది తమ మొబైల్స్‌లో చిత్రీకరించి సోషల్ మీడియాలో లీక్‌ చేస్తున్నారు. తాజాగా ఈ ఇబ్బంది అన్ని పెద్ద హీరోల సినిమాలకు వస్తోంది. అలా ‘భీమ్లా నాయక్‌’కి సంబంధించి ఓ సీన్‌ బయటకు వచ్చింది అంటున్నారు. ప్రస్తుతం సోషల్ మీడియాలో ఈ సీన్‌ అందుబాటులో లేకపోయినా… ఇప్పటికే డౌన్‌లోడ్‌ చేసుకున్న కొందరు పర్సనల్‌గా షేర్‌ చేసుకుంటున్నారట.
అయితే ఆ సీన్‌లో పవన్ కల్యాణ్‌ చెప్పిన డైలాగ్‌ మాత్రం వైరల్ అవుతోంది. ‘ఐపీసీ 353… పదే పది నిమిషాల్లో ఎఫ్‌ఐఆర్‌ రెడీ అవ్వాలి’అంటూ సాగే డైలాగ్‌ పవన్ కల్యాణ్‌ స్టైల్‌ అండ్‌ యాటిట్యూడ్‌లో చెబుతున్నట్లుగా ఆ వీడియో ఉందంటున్నారు. లీక్‌ వీడియోలోనే ఇలా ఉందంటే… సినిమాలో ఇంకెలా ఉంటుందో. ఇలాంటి లీక్‌ వీడియోలు నిర్మాతలకు ఎంతవరకు తలనొప్పిగా మారుతున్నాయో అందరికీ తెలిసిందే.
ఇప్పటికే చాలామంది నిర్మాతలు వీటిపై ఎన్ని జాగ్రత్తలు తీసుకున్నా… ఆగడం లేదు. అయితే ఈ వీడియోలు సినిమా మీద హైప్‌ను పెంచుతాయనడంలో అతిశయోక్తి లేదు. ఒక్కో వీడియో వస్తున్నప్పుడల్లా అభిమానుల్లో ఊపు మాత్రం పెరుగుతోంది.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home