నిఖిల్ చందూ మొండేటి కాంబినేషన్ లో తెరకెక్కిన కార్తికేయ సినిమా అంచనాలను మించి విజయం సాధించిన సంగతి తెలిసిందే. కార్తికేయ సినిమాకు సీక్వెల్ అంటే కథ, కథనాలు ఆ సినిమాలానే ఉంటాయని చాలామంది అనుకున్నారు. అయితే భిన్నమైన కథాంశంతో తెరకెక్కిన కార్తికేయ2 సినిమా ప్రేక్షకులను ఎంతగానో ఆకట్టుకుంది. గత నెల 13వ తేదీన థియేటర్లలో రిలీజైన ఈ సినిమా ఇప్పటికీ మంచి కలెక్షన్లను సొంతం చేసుకుంటోంది. అయితే తాజాగా ఈ సినిమా ఖాతాలో అరుదైన రికార్డ్ చేరింది.
ఈ రికార్డ్ గురించి తెలిసి నిఖిల్ అభిమానులు ఎంతగానో సంతోషిస్తున్నారు. ఇప్పటికే 50 కోట్ల రూపాయలకు పైగా షేర్ కలెక్షన్లను సొంతం చేసుకున్న ఈ సినిమా ఓవర్సీస్ లో 1.5 మిలియన్ డాలర్ల కలెక్షన్లను సొంతం చేసుకుంది. అయితే కార్తికేయ2 నాలుగో వారంలో కూడా యూఎస్ లో 80కు పైగా లొకేషన్లలో ప్రదర్శితమవుతూ ఉండటం గమనార్హం. యూఎస్ లో నాలుగో వారంలో ఇన్ని లొకేషన్లలో ప్రదర్శితమైన తొలి తెలుగు సినిమా కార్తికేయ2 కావడంతో ఈ సినిమా ఖాతాలో అరుదైన రికార్డ్ చేరింది.
నిఖిల్ కు జోడీగా అనుపమ పరమేశ్వరన్ ఈ సినిమాలో నటించగా ఆమె పాత్రకు సైతం మంచి మార్కులు పడ్డాయి. బాలీవుడ్ ప్రముఖ నటుడు అనుపమ్ ఖేర్ ఈ సినిమాలో కీలక పాత్రలో నటించి మెప్పించారు. ఫుల్ రన్ లో ఈ సినిమా నిర్మాతలకు లాభాలు మరింత పెరిగే ఛాన్స్ అయితే ఉంది. హిందీలో కూడా ఈ సినిమా అంచనాలకు మించి సక్సెస్ సాధించింది.
ఈ సినిమా విజయంతో నటుడిగా నిఖిల్ రేంజ్ ఊహించని స్థాయిలో పెరిగింది. నిఖిల్ తన కొత్త సినిమాలకు భారీగా రెమ్యునరేషన్ డిమాండ్ చేస్తున్నారని బోగట్టా. నిఖిల్ నటించిన 18 పేజెస్, మరికొన్ని సినిమాలు కొన్ని నెలల గ్యాప్ లోనే థియేటర్లలో రిలీజ్ కానున్నాయి. నిఖిల్ తర్వాత సినిమాలకు చెప్పుకోదగ్గ స్థాయిలో బిజినెస్ జరుగుతోంది.
Most Recommended Video
‘రంగ రంగ వైభవంగా’ కి డిజాస్టర్ టాక్ రావడానికి గల 10 కారణాలు..!
పవన్ కళ్యాణ్ తో నటించిన ఈ 11 మంది హీరోయిన్లకు కలిసి రాలేదట..!
8నెలల వయసులోనే సినిమాల్లోకి ఎంట్రీ.. అక్కినేని నాగార్జున గురించి 10 ఆసక్తికర
