మనోళ్లు దీపావళిని వదులుకోలేదు..

సినిమాల్లో హాస్యం పేరుతో పంతుళ్ళ మీద పంచాంగాల మీద సెటైర్లు వేస్తారు గానీ సినిమాకి సంబంధించిన ప్రతిదానికి కావాల్సిన ముహూర్తాల విషయంలో మనోళ్లు కాస్త శ్రద్ధగానే ఉంటారు. పంతుళ్లు పెట్టారో లేక పొడ్డూసర్లే పెట్టారో కానీ డేట్లు మారిన ఒకే టైమ్ కి పెట్టారు.నాని నటిస్తోన్న ‘నేను లోకల్’, మెగాస్టార్ హీరోగా తెరకెక్కుతోన్న ‘ఖైదీ నెం 150’ సినిమాల ఫస్ట్ లుక్ విడుదలకి పెట్టిందే ఈ ముహూర్తం.సాధారణంగా ఇలాంటి ఫస్ట్ లుక్ రిలీజ్ లాంటివి అర్థరాత్రో లేక సాయంత్రం పూట విడుదలవుతుంటాయి.

ఆ సమయంలోనే నెటిజన్లు సోషల్ మీడియాలో ఎక్కువగా విహరిస్తుంటారు మరి. దానికి భిన్నంగా ఈ రెండు సినిమాల ఫస్ట్ లుక్స్ మధ్యాహ్నం రెండు గంటలకి విడుదల కానున్నాయి. వీకెండ్, దీపావళి పండుగ కలిసిరావడమే ఈ ముహూర్తం వెనకల గల రహస్యం. త్రినాధరావు నక్కిన దర్శకుడిగా నాని నటిస్తోన్న ‘నేను లోకల్’ ఫస్ట్ లుక్ ఈ రోజులు మధ్యాహ్నం విడుదలవుతుంటే చిరు రేపు మధ్యాహ్నం మెగాభిమానులని అలరించనున్నారు. ఆ రకంగా ఈ ఇద్దరు టాలీవుడ్ దీపావళి పండగను ప్రమోషన్ కోసం వాడుకున్నారు. ఇక కోలీవుడ్ హీరోలైన సూర్య అర్థరాత్రి ‘సింగం3’ మోషన్ పోస్టర్ ను గత అర్ధరాత్రి విడుదల చేయగా విజయ్ తన ‘భైరవ’ సినిమా టీజర్ ప్రేక్షకుల ముందుంచారు.పోతే..నవంబర్ 7న ‘సింగం3’ ఫస్ట్ టీజర్ విడుదల కానుంది.