కేరళ కుట్టి ప్రియ ప్రకాష్ వారియర్‌ కన్ను కొట్టి ఫేమస్ అయిపోయింది. ‘ఒరు అదార్‌ లవ్‌’ చిత్రంలో నటించిన ఈమె.. ప్రచార చిత్రంతోనే బాగా పాపులర్ అయింది. దీంతో ఈమె ప్రతి మాట కాసులు కురిపిస్తున్నాయి. ప్రియ ప్రకాష్ వారియర్‌ కి వచ్చిన ఓవర్ పబ్లిసిటీ ఆనందంతో పాటు ఇబ్బందిని కలిగిస్తోంది. తన స్వేచ్ఛను తీసుకుపోయిందని ఆవేదన వ్యక్తం చేసింది. రీసెంట్ గా ఇచ్చిన ఓ ఇంటర్వ్యూ లో ఆమె అనేక ఆసక్తికర విషయాలు చెప్పింది. “నేనూ అందరిలాంటి అమ్మాయినే. కానీ నా ఆశయం వేరు. నాకు నచ్చిందే చేస్తాను. ఇదివరకు ఏ ఈవెంట్‌కు వెళ్లాలన్నా మా అమ్మ, ఆంటీ నా వెంటే వచ్చేవారు. కానీ ఇప్పుడు మేనేజర్‌ను నియమించుకున్నాను.
స్నేహితులతో కలిసి విహరించడం నాకు ఇష్టం. కానీ ఇప్పుడు ఎక్కడికీ వెళ్లలేకపోతున్నాను. ‘నువ్వు స్వేచ్ఛను కోల్పోయావ్‌’ అని అమ్మానాన్నలు అంటుంటారు’ అని వెల్లడించింది. అలాగే సినిమాల్లోకి రావడం వెనుక కారణాన్ని బయటపెట్టింది. “చిన్నప్పుడు నా డ్రెస్ లపై దృష్టిపెట్టేదాన్ని. అప్పుడు మా అంకుల్‌ ఒకరు ‘మోడల్‌లా ఉన్నావ్‌’ అన్నారు. ఆ మాటలు నా బుర్రలో పాతుకుపోయాయి. మోడల్‌ ఎందుకు కాకూడదు? ఆ తర్వాత నటి ఎందుకు కాకూడదు? అని అనుకున్నా. ‘ఒరు అదార్‌ లవ్‌’ ఆడిషన్స్‌కు వెళ్లాను. కంగారుతో ఆడిషన్స్‌ సరిగ్గా ఇవ్వలేకపోయాను. దాంతో నన్ను ఓ చిన్న పాత్రకు ఎంపికచేశారు. కానీ పాటలో నేను పలికించిన హావభావాలతో నా లక్ మారింది. సినిమాలో నన్ను ఐదుగురు హీరోయిన్‌లలో ఒకరిగా ఎంపికచేశారు.’ అని వివరించింది. ఆమె నటించిన ‘ఒరు అదార్‌ లవ్‌’ త్వరలో రిలీజ్ కానుంది.
