అకీరాతో ‘పంజా 2’.. డైరెక్టర్ ఏమన్నాడంటే?

తమిళ దర్శకుడు విష్ణువర్ధన్ (Vishnuvardhan) తెలుగు ప్రేక్షకులకు కూడా సుపరిచితమే. 2011లో వచ్చిన పవన్ కళ్యాణ్ (Pawan Kalyan) ‘పంజా’ (Panjaa) సినిమా అందరికీ గుర్తుండే ఉంటుంది. ఆ సినిమాకి విష్ణువర్దనే దర్శకుడు. ఆ సినిమా ఇక్కడ పెద్దగా ఆడలేదు. కానీ పవన్ కళ్యాణ్ ను విష్ణువర్ధన్ కొత్తగా ప్రెజెంట్ చేయడంలో సక్సెస్ అయ్యాడు. పవన్ కళ్యాణ్ లుక్ కావచ్చు, యాక్షన్ సీన్స్ లో అతని గ్రేస్ కావచ్చు.. అన్నీ చాలా స్టైలిష్ గా ఉంటాయి. ఫ్యాన్స్ కి అవి నచ్చాయి.

Akira Nandan

కాకపోతే సినిమా కథ అంతా ఒక పాయింట్ మీద వెళ్తుంది. దాని చుట్టూ వచ్చే పరిస్థితులు, సంభాషణలు.. ఆడియన్స్ కి కనెక్ట్ అవ్వలేదు. దాని వల్ల అనుకున్న స్థాయిలో ఆ సినిమా సక్సెస్ కాలేదు. కాకపోతే టీవీల్లో ఆ సినిమాని బాగానే చూశారు. పవన్ తో కాకుండా ఇమేజ్ లేని హీరోతో కనుక ఆ సినిమా చేసి ఉంటే.. కచ్చితంగా ఆడేది అని అంతా అభిప్రాయపడ్డారు. మరోపక్క ‘పంజా 2’ ని అఖీరా (Akira Nandan) డెబ్యూ మూవీగా చేస్తే బాగుంటుందని అంతా భావిస్తున్నారు.

ఇదిలా ఉండగా… విష్ణువర్ధన్ తెరకెక్కించిన ‘నెసిప్పాయ’ సినిమాని తెలుగులో ‘ప్రేమిస్తావా’ అనే పేరుతో రిలీజ్ కాబోతుంది. జనవరి 31న ఈ సినిమా రిలీజ్ కాబోతుంది. ఈ సినిమా ప్రమోషన్ల కోసం ఇటీవల హైదరాబాద్ వచ్చాడు విష్ణువర్ధన్. ఈ సందర్భంగా అతను పవన్ కళ్యాణ్ ‘పంజా’ రోజులను గుర్తు చేసుకున్నారు.

అలాగే అతను మాట్లాడుతూ.. ” ‘పంజా’ తర్వాత తెలుగు నుండి ఆఫర్స్ వచ్చాయి. కానీ ఆ టైంకి నేను వేరే ప్రాజెక్టులతో బిజీగా ఉండటం వల్ల చేయలేదు. అఖీరాతో సినిమా చేయాలని నాకు ఉంది. కానీ నేనేమీ ముందుగా ప్లాన్స్ వేసుకోలేదు. దేనికైనా టైం రావాలి అని కోరుకుంటాను” అంటూ చెప్పుకొచ్చాడు విష్ణువర్ధన్.

‘సంక్రాంతికి వస్తున్నాం’ .. మళ్ళీ కోటి షేర్ కలెక్ట్ చేసింది!