తెలుగు భాష పట్టుపడుతున్న పరిణీతి

బాలీవుడ్ అగ్ర కథానాయకల్లో ఒకరైన ప్రియాంక చోప్రా చెల్లెలు పరిణీతి చోప్రా సూపర్ స్టార్ మహేష్ బాబు చిత్రంతో తెలుగు తెరకు పరిచయం కాబోతోంది. తెలుగు, తమిళ భాషల్లో తెరకెక్కనున్న ఈ సినిమాకు మురుగదాస్ దర్శకత్వం వహిస్తున్నారు. రూ.90 కోట్లతో నిర్మించనున్న ఈ మూవీలో నటించేందుకు బాలీవుడ్ భామ రూ.3.5 కోట్లు తీసుకుంటోంది.

వచ్చే నెల 19 నుంచి ఈ చిత్ర షూటింగ్ మొదలు కానుంది. టాలీవుడ్ లో వచ్చిన అవకాశాన్ని సద్వినియోగం చేసుకోవాలని పరిణీతి ఇప్పటినుంచే కసరత్తు ప్రారంభించింది. తెలుగు భాషను ఓ పట్టు పట్టే పనిలో పడింది. డైలాగ్ లోని పూర్తి అర్ధాన్ని తెలుసుకుని అందుకు తగ్గ అభియనయాన్ని పలికించాలని ఈ సుందరి ట్యూటర్ ను పెట్టుకుంది. శ్రద్ధగా తెలుగు నేర్చుకుంటోంది.

అవకాశం వచ్చిందా? అందంగా కనిపించామా.. డబ్బులు తీసుకుని వెళ్లి పోయామా.. అన్నట్లు కాకుండా .. తెలుగును నేర్చుకోవడం చూస్తుంటే పరిణీతికి పని పట్ల ఉన్నడెడికేషన్ ఏంటో అర్ధముతోంది. ఇలాగే శ్రమిస్తే ఆమె బాలీవుడ్ తో పాటు టాలీవుడ్ లోనూ టాప్ హీరోయిన్ కావడం ఖాయమంటున్నారు సినీ పండితులు.