టాలీవుడ్‌లో బెస్ట్‌ ఫ్రెండ్స్‌ అంటే హీరోలు – హీరోలు పేర్లు చెబుతారు, హీరోయిన్లు – హీరోయిన్లు పేర్లు చెబుతారు, హీరోలు – హీరోయిన్ల పేర్లూ చెబుతారు. నటులు – నటులు పేర్లు కూడా ఉంటాయి. ఈ కాంబినేషన్లు చాలానే ఉన్నాయి కూడా. అయితే హీరో – దర్శకుడు కాంబినేషన్‌లో బెస్ట్‌ ఫ్రెండ్స్‌ పేర్లు చెప్పమంటే అంత ఈజీగా దొరకవు. అందులోనూ ఈ కాంబోలో స్టార్ హీరో – స్టార్ దర్శకుడు అంటే ఇంకా కష్టం. కానీ ఇప్పటి తరం స్టార్ హీరోల్లో అలాంటివాళ్లు ఉన్నారు.
అందులో పవన్‌ కల్యాణ్ – త్రివిక్రమ్ ఒకరు. వారి స్నేహం గురించి ఎంత చెప్పినా తక్కువ అంటుంటారు. అయితే త్రివిక్రమ్ తనకు స్నేహితుడు కాదు అన్నారు పవన్‌ కల్యాణ్. ఇదెక్కడో బ్యాక్‌స్టేజ్‌లో జరిగింది కాదు. ‘అన్‌స్టాపబుల్‌’ షోలో బాలకృష్ణ సమక్షంలోనే పవన్‌ కల్యాణ్ ఈ మాట అన్నారు. తొలుత త్రివిక్రమ్‌తో స్నేహం చేయాల్సి వచ్చింది అని చిలిపి మాట అన్న పవన్‌.. ఆ తర్వాత అసలే స్నేహితుడే కాదు అంటూ షాకింగ్‌ కామెంట్‌ చేశారు. అదేంటి అంత మంచి స్నేహం వాళ్లిద్దరిది కదా అంటారా? మీరు అనుకున్నది, అన్నది కరెక్టే.
అయితే త్రివిక్రమ్‌ను పవన్‌ ఎప్పుడూ స్నేహితుడిలా చూడలేదట. ఆ విషయాన్నే ఇలా చెప్పుకొచ్చారు పవన్‌. ఒకానొక సందర్భంలో త్రివిక్రమ్ – పవన్‌ కలిశారు. ఆ తర్వాత ఇద్దరి ఆలోచనా విధానాలు, అభిరుచులు కలవడంతో స్నేహితులు అయ్యారు. ఆ తర్వాత కలసి సినిమాలు చేశారు కూడా. అయితే త్రివిక్రమ్‌ను పవన్‌ ఎప్పుడూ గురు సమానులుగానే చూస్తారట. తన జీవితంలో అత్యంత కీలక సమయాల్లో ఆయన ఉన్నారని, ఆయనను ఆఫ్ ది సెట్‌ స్నేహితుడిగా కాకుండా గురువుగానే చూస్తాను అని చెప్పారు.
తామిద్దరం కలిసినప్పుడు సినిమా విషయాలు పెద్దగా రావని.. సాహిత్యం, సైన్స్ – టెక్నాలజీ గురించే ఎక్కువగా మాట్లాడుకుంటామని కూడా చెప్పారు. అంతేకాదు త్రివిక్రమ్ తనను కలసి ‘అతడు’ కథ చెప్పాడని.. ఆ కథ తాను విన్నప్పటికీ.. ఆయన మాత్రం మీరు వినలేదు.. ఆటైమ్‌ కి నిద్రపోయారు అంటూ ఇప్పటికీ గొడవపడుతుంటాడని పవన్‌ చెప్పారు. దీంతో పవన్‌ – త్రివిక్రమ్ స్నేహం గురించి ఫ్యాన్స్ ఫుల్‌ ఖుష్‌ అవుతున్నారు.
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
Home