Pawan Kalyan: ‘హరిహర వీరమల్లు’ @ యాక్షన్ డైరెక్టర్ గా పవన్!

పవర్ స్టార్ పవన్ కళ్యాణ్ టాలెంట్ ఉన్న నటుడు మాత్రమే కాదు.. అతడిలో కథకుడు, దర్శకుడు, కొరియోగ్రాఫర్, గాయకుడు ఉన్నారు. మెగాస్టార్ చిరంజీవి నటించిన ‘డాడీ’ సినిమాలో ఓ ఫైట్ సీక్వెన్స్ కి పవన్ కళ్యాణ్ యాక్షన్ కొరియోగ్రఫీ అందించారు. ఇప్పుడు మరోసారి ఆయన యాక్షన్ ఎపిసోడ్ కి దర్శకత్వం వహించారని సమాచారం. పవన్ కళ్యాణ్ ప్రధాన పాత్రలో దర్శకుడు క్రిష్ ‘హరిహర వీరమల్లు’ అనే సినిమాను తెరకెక్కిస్తున్నారు. ఏఎం రత్నం భారీ బడ్జెట్ తో ఈ సినిమాను నిర్మిస్తున్నారు.

ఈ సినిమాలో ఓ కీలకమైన యాక్షన్ ఎపిసోడ్ ను రీసెంట్ గానే పూర్తి చేశారు. ఈ యాక్షన్ సీన్ కోసం దాదాపు 40 రోజుల పాటు కష్టపడింది చిత్రబృందం. ఈ సీక్వెన్స్ మొత్తం పవన్ కళ్యాణ్ ఆధ్వర్యంలోనే జరిగిందని సమాచారం. ఇంటర్వెల్ ఎపిసోడ్ కి ముందు వచ్చే కీలకమైన యాక్షన్ ఎపిసోడ్ ఇది. ఈ ఫైట్ తరువాతే బ్రేక్ వస్తుంది. స్క్రీన్ పై ఈ ఎపిసోడ్ దాదాపు 15 నిమిషాల పాటు కనిపించనుంది.

పవన్ కళ్యాణ్ కెరీర్ లోనే అతి పెద్ద యాక్షన్ ఎపిసోడ్ అని తెలుస్తోంది. నిర్మాత ఏఎం రత్నం కూడా ఈ ఫైట్ సీక్వెన్స్ కోసం చాలా ఖర్చు పెట్టారు. ఇలాంటి ఎపిసోడ్ ఒకటి క్లైమాక్స్ లో కూడా ఉంటుందట. ఈ రెండు యాక్షన్ సీక్వెన్స్ లు ‘హరిహర వీరమల్లు’ సినిమాకి స్పెషల్ ఎట్రాక్షన్ గా నిలవనున్నాయి. ఈ సినిమాలో పవన్ సరసన నిధి అగర్వాల్ హీరోయిన్ గా కనిపించనుంది.

అలానే కొందరు బాలీవుడ్ స్టార్స్ ను ఈ సినిమా కోసం తీసుకున్నారు. రీసెంట్ గా బాబీ డియోల్ ఈ సినిమా సెట్స్ లో జాయిన్ అయ్యారు. ప్రస్తుతం ఆయనపై కొన్ని కీలక సన్నివేశాలను చిత్రీకరించనున్నారు.

18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!

ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?