సినిమా అన్నాక కొబ్బరికాయ ఉంటుంది.. గుమ్మడికాయ ఉంటుంది. కానీ పవన్ కల్యాణ్‌ సినిమా ఒకటి కొబ్బరికాయ లేకుండా స్టార్ట్‌ చేసేసి.. గుమ్మడికాయ కొట్టేద్దాం అనుకుంటున్నారట. సినిమా ప్రాసెస్‌ను క్లోజ్‌గా ఫాలో అయ్యేవాళ్లకు ఇప్పటికే విషయం అర్థమైపోతుంది. అవును.. మీరు అనుకున్నదే. పవన్ కల్యాణ్‌ కొత్త సినిమా ముహూర్త కార్యక్రమం జరపకుండానే స్టార్ట్‌ చేసేయాలని చూస్తున్నారట. వినడానికి కొత్తగా అనిపించినా.. ఇదే నిజం అంటున్నారు. పవన్ కల్యాణ్‌ చేతిలో ఇప్పుడు చాలా సినిమాలు ఉన్నాయి.
అయితే ఏది ఎప్పుడు వస్తుంది అనే విషయం తెలియదు అనుకోండి. ఆ విషయం పక్కపెడితే.. ఇప్పుడు చేతిలో ఉన్న సినిమాల లిస్ట్‌లోకి మరో సినిమా వస్తోంది. అదే ‘వినోదాయ చిత్తాం’ రీమేక్‌. తమిళంలో మంచి విజయం అందుకున్న ఈ సినిమాను తెలుగులోకి తీసుకురావాలని చాలా రోజుల నుండి చూస్తున్నారు. అయితే ఇన్నాళ్లూ వాయిదా పడుతూ వచ్చిన ఈ సినిమా త్వరలో ప్రారంభం అంటున్నారు. అయితే సినిమా ప్రారంభం అయింది అనే విషయం చెబుతారు కానీ.. ముహూర్తం కార్యక్రమం లాంటివి ఉండవు అని అంటున్నారు.
ముహూర్తం లేకుండా, కొబ్బరికాయ కొట్టకుండా సినిమా ఏంటో అర్థం కాక పవన్ అభిమానులు తల గోక్కుంటున్నారు. ఎందుకు చేయడం లేదో తెలియడం లేదు కూడా అని అంటున్నారు. సినిమా మొత్తం అయిపోయాక గుమ్మడికాయ కొట్టి పూర్తయింది అని చెబుతారామో అని జోకులు కూడా వేసుకుంటున్నారు. అయితే ‘వినోదాయ చిత్తాం’ రీమేక్‌కు ముహూర్తం కార్యక్రమం చేస్తారని, అయితే అది అట్టహాసంగా కాకుండా నాలుగు గోడల మధ్య సింపుల్‌గా చేస్తారని చెబుతున్నారు.
దాని వెనుక కారణాలేంటి అనేది మాత్రం తెలియదు. ఈ సినిమాకు మాతృకకు దర్శకత్వం వహించిన సముద్రఖనినే దర్శకత్వం వహిస్తారు. రచన బాధ్యతలను త్రివిక్రమ్‌ భుజానకెత్తుకున్నారు. ఇక మరో ముఖ్య పాత్రలో సాయిధరమ్‌ తేజ్‌ నటిస్తాడని సమాచారం. ఒకట్రెండు రోజుల్లోనే సినిమా మొదలైందనే వార్త బయటకొస్తుందని టాక్‌. చూద్దాం అప్పుడు ఈ సినిమా గురించి ఏమైనా అదనపు సమాచారం ఇస్తారేమో చూద్దాం.
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
