చిరంజీవిని కలిసి పుట్టినరోజు విషెష్ చెప్పిన పవన్ కళ్యాణ్

పవర్ స్టార్ పవన్ కళ్యాణ్ తన అన్న చిరంజీవి కి మధ్య విభేదాలు ఉన్నాయని, అందుకే సినీ కార్యక్రమాలకు, కుటుంబ వేడుకులకు పవన్ హాజరు కావడం లేదని చాలామంది అభిప్రాయం. జనసేన అధినేతగా మారినప్పటి నుంచి పవన్ అన్నకు దూరం అయ్యారని పుకార్లు షికార్లు చేశాయి. అయితే ఇవేవి నిజం కాదని ఈ రోజు సంఘటన తేల్చి చెప్పింది. ఈ రోజు చిరంజీవి పుట్టినరోజు. ఈ సందర్భంగా పవన్ కళ్యాణ్ తెల్లవారు జామునే చిరు ఇంటికి వెళ్లి తొలి శుభాకాంక్షలు చెప్పినట్లు సమాచారం. కాసేపు ఇద్దరూ మాట్లాడుకున్నారని తెలిసింది.

అలాగే చిరు 151 సినిమా గురించి అడిగి తెలుసుకున్నారని చిరు కుటుంబ సభ్యులు తెలిపారు. ప్రస్తుతం పవన్ కళ్యాణ్ త్రివిక్రమ్ దర్శకత్వంలో సినిమా చేస్తున్నారు. అలాగే జనసేన  పార్టీ వ్యవహారాలను చూసుకుంటున్నారు. ఇలా ఎన్ని పనులున్నప్పటికీ అన్నయ్యకి బర్తడే విషెష్ చెప్పడం మరిచిపోలేదు. దీంతోనైనా పవన్, చిరుకి మద్యం వైరం అనే రూమర్లు ఆగుతాయేమో చూడాలి.

Also, do SUBSCRIBE to our YouTube channel to get latest Tollywood updates.