Pawan Kalyan: మేనల్లుడిపై పవన్ స్పెషల్ ఫోకస్!

February 28, 2023 / 06:41 PM ISTByFilmy Focus

Join Us

Pawan Kalyan: మేనల్లుడిపై పవన్ స్పెషల్ ఫోకస్!

మెగా ఫ్యామిలీ నుంచి హీరోగా ఎంట్రీ ఇచ్చిన సాయి ధరమ్ తేజ్ ఇండస్ట్రీలో మంచి పేరు సంపాదించుకున్నారు. తమ మావయ్యలు చిరంజీవి, పవన్ కళ్యాణ్ పోలికలతో సాయి ధరమ్ తేజ్ ఉండడంతో మెగా ఫ్యాన్స్ అతడికి బాగా దగ్గరయ్యారు. హిట్, ప్లాప్ అని లేకుండా సినిమాలు చేసుకుంటూ వెళ్తోన్న తేజ్ కెరీర్ లో ఊహించని సంఘటన చోటుచేసుకుంది. అతడు రోడ్డు ప్రమాదానికి గురవ్వడంతో షాక్ లోకి వెళ్లిపోయారు. దీని నుంచి బయటపడి.. ఇప్పుడే షూటింగ్ లో పాల్గొంటూ మళ్లీ తన కెరీర్ పై దృష్టి పెడుతున్నారు.

‘విరూపాక్ష’ అనే సినిమాను పూర్తి చేసి ప్రస్తుతం పవన్ కళ్యాణ్ తో కలిసి ఓ సినిమా చేస్తున్నారు. తమిళ సినిమా ‘వినోదయ సీతమ్’కి ఇది రీమేక్. సముద్రఖని డైరెక్ట్ చేస్తోన్న ఈ సినిమాకి త్రివిక్రమ్ డైలాగ్స్, స్క్రీన్ ప్లే అందించారు. ఇదిలా ఉండగా.. కొన్నేళ్లుగా సినిమాల్లో తేజ్ సక్సెస్ రేట్ తగ్గింది. ఆయన నటించిన ‘సోలో బ్రతుకే సో బెటర్’, ‘రిపబ్లిక్’ సినిమాలు ఆశించిన స్థాయిలో సక్సెస్ కాలేకపోయాయి. అంతకుముందు వినాయక్ తో చేసిన ‘ఇంటెలిజెంట్’ సినిమా కూడా డిజాస్టర్ అయింది.

అందుకే ఇప్పుడు తేజ్ కెరీర్ పై పవన్ కళ్యాణ్ స్పెషల్ కేర్ తీసుకుంటున్నట్లు తెలుస్తోంది. ‘రిపబ్లిక్’ సినిమాకి గెస్ట్ గా వెళ్లిన పవన్ కళ్యాణ్ ఇప్పుడు ‘విరూపాక్ష’ సినిమా ట్రైలర్ ను విడుదల చేయబోతున్నారు. ‘వినోదయ సీతమ్’ రీమేక్ కూడా తేజ్ కోసమే చేస్తున్నారు. ఇందులో తేజ్ పాత్రే కీలకం. రీసెంట్ గా ఓ ఇంటర్వ్యూ ద్వారా తేజ్ ఆరోగ్యం గురించి ఎంత కేర్ తీసుకున్నారో తెలిసింది.

తేజ్ సినిమా ఇండస్ట్రీలోకి ఎంట్రీ ఇచ్చేలా ప్రోత్సహించింది కూడా పవన్ కల్యాణే. అందుకే ఇప్పుడు తేజ్ కెరీర్ ని రైట్ ట్రాక్ లో పెట్టే ప్రయత్నం చేస్తున్నారు పవన్. అందుకే తనే స్వయంగా తేజ్ సినిమాలను ప్రమోట్ చేస్తున్నారు. మరి మావయ్య సపోర్ట్ తో తేజ్ హిట్స్ అందుకుంటారేమో చూడాలి!