టాలీవుడ్కి ఇప్పుడు ఓ భారీ కమర్షియల్ హిట్ చాలా అవసరం. ఈ ఏడాది సంక్రాంతికి వచ్చిన ‘మన శంకర్ ప్రసాద్ గారు’ మినహా మరే సినిమా కూడా బాక్సాఫీస్ ఆకలిని పూర్తిగా తీర్చలేకపోయింది.
స్టార్ హీరోలైన ప్రభాస్ ‘ది రాజాసాబ్’, పవన్ కళ్యాణ్ ‘ఉస్తాద్ భగత్ సింగ్’ సినిమాలు నిరాశపరిచిన సంగతి తెలిసిందే. అందుకే ఇప్పుడు అందరి చూపు గ్లోబల్ స్టార్ రామ్ చరణ్ నటిస్తున్న ‘పెద్ది'(Peddi) సినిమాపైనే పడింది.
‘ఉప్పెన’ ఫేమ్ బుచ్చిబాబు సానా దర్శకత్వం వహిస్తున్న ఈ చిత్రాన్ని వృద్ధి సినిమాస్ బ్యానర్పై వెంకట్ సతీష్ కిలారు భారీ బడ్జెట్తో ఎంతో ప్రతిష్టాత్మకంగా నిర్మించారు. సుకుమార్ రైటింగ్స్ సమర్పణలో వస్తున్న ఈ చిత్రానికి ఆస్కార్ విజేత ఏఆర్ రెహమాన్ సంగీతం అందించాడు. పాటలు సినిమాపై భారీ హైప్ క్రియేట్ చేశాయి.
అంతా బాగానే ఉంది కానీ, ఒక విషయంలో మాత్రం ‘పెద్ది’ యూనిట్ కాస్త టెన్షన్లో ఉన్నట్టు ఇండస్ట్రీ టాక్. విషయంలోకి వెళితే… ఈ సినిమా కోసం నిర్మాత సుమారు రూ. 350 కోట్ల భారీ బడ్జెట్ పెట్టాడట. అయితే ప్రీ-రిలీజ్ బిజినెస్ రూపంలో ఇప్పటివరకు రూ. 340 కోట్లు మాత్రమే రికవరీ అయ్యిందట. అంటే సినిమా విడుదలకు ముందే దాదాపు రూ. 10 కోట్ల డెఫిసిట్ (లోటు) కనిపిస్తోంది.నిజానికి ఈ సినిమా షూటింగ్ షెడ్యూల్స్ మారడం, మేకింగ్ ఆలస్యం కావడం వల్లే బడ్జెట్ లెక్కలు పెరిగినట్టు స్పష్టమవుతోంది.
ఈ నష్టాన్ని భర్తీ చేయాలంటే ‘పెద్ది’ సినిమా థియేటర్లలో గట్టిగా పెర్ఫార్మ్ చేయాలి.రామ్ చరణ్ కి మాస్ ఆడియన్స్ లో ఉన్న క్రేజ్ కారణంగా ‘పెద్ది’ సినిమాపై కామన్ ఆడియన్స్ కూడా అంచనాలు పెట్టుకున్నారు. కాబట్టి థియేటర్లలో ‘పెద్ది’ కి యావరేజ్ రిపోర్ట్స్ వచ్చినా ఓపెనింగ్స్తో బయ్యర్లంతా సేఫ్ అయిపోయే ఛాన్స్ ఉంది. కానీ, నిర్మాత పెట్టిన పెట్టుబడి పూర్తిగా వెనక్కి రావాలన్నా, లాభాల బాట పట్టాలన్నా ఖచ్చితంగా ‘ఓవర్ఫ్లోస్’ (భారీ వసూళ్లు) అవసరం. చూడాలి మరి ఏమవుతుందో..!
