పెళ్లిచూపులు త్రీ డేస్ కలక్షన్స్

షార్ట్ ఫిలింతో సత్తా చాటుకొని  వెండితెర అవకాశం దక్కించుకున్న దర్శకుడు తరుణ్ భాస్కర్. కొత్త కథను ఎంచుకొని అంతే విభిన్నంగా పెళ్లిచూపులు సినిమాను తెరకెక్కించి విజయాన్నిఖాతాలో వేసుకున్నారు. విజయ్ దేవర కొండ, రీతూవర్మ జంటగా నటించిన ఈ మూవీ విడుదలైన అన్ని థియేటర్లలో హౌస్ కలెక్షన్లతో దూసుకుపోతోంది. ఇటు యువతని, అటు ఫ్యామిలీ ఆడియన్స్ ని ఆకట్టుకుంటున్న ఈ చిత్రం సినీ ప్రముఖులు, విమర్శకుల ప్రశంసలను అందుకుంటోంది.

రాజ్ కందుకూరి, యష్ రంగినేని కలిసి నిర్మించిన ఈ మూవీని విదేశాల్లోనూ బాగా ఆదరిస్తున్నారు. ప్రముఖ నిర్మాత డి. సురేష్ బాబు సమర్పణలో జూలై 29న విడుదలైన ఈ ఫిలిం వీకెండ్స్ లో మొత్తం 1.95 కోట్ల కలక్షన్ రాబట్టింది. శుక్ర, శని, ఆది వారాలలో తెలుగురాష్ట్రాల్లో 1.6 కోట్లు వసూలు చేయగా, మిగిలిన అన్ని ప్రాంతాల్లో 35 లక్షల కలక్షన్ సాధించింది. 60 లక్షలతో నిర్మితమైన పెళ్లిచూపులు మూడు రోజుల్లో రెండు కోట్లు వసూల్ చేయడం పై చిత్ర యూనిట్ సభ్యులు సంతోషంగా ఉన్నారు. మరో రెండు వారాల పాటు థియేటర్లలో ఉండే టాక్ ను సొంతం చేసుకున్న ఈ మూవీ భారీ విజయాన్ని సొంతం చేసుకోవడం గ్యారంటీ అంటున్నారు.