భారతదేశంలో అగ్రపీఠాన ఉన్న ఫైట్ మాస్టర్ ఎవరంటే అందరి నోటా వినపడే పేరు ‘పీటర్ హెయిన్’. తెరపై అతడు కంపోజ్ చేసిన యాక్షన్ సన్నివేశాలు చూస్తే ఒళ్ళు గగుర్పొడుస్తుంది. అసలు యాక్షన్ కే సిసలైన నిర్వచనంగా పిలువబడే పీటర్ హెయిన్ వ్యక్తిగతంగా చాలా సౌమ్యుడు. ఆ మాటకొస్తే తనకు ఫైట్స్ నచ్చవని చెప్పుకొచ్చాడీ ఫైట్ మాస్టర్.
దాదాపు పదిహేనేళ్లకు పైగా యాక్షన్ కొరియోగ్రాఫర్ గా ఉన్న పీటర్ హెయిన్ అంతకు ముందు ఓ పది సంవత్సరాలుగా స్టంట్ మాన్ గా చిత్ర సీమలో ఉన్నారు. ఫైట్స్ అంటేనే ఓ పెద్ద అబద్ధం అంటున్న పీటర్ సున్నిత భావోద్వేగాలతో ఓ సినిమా తెరకెక్కిస్తున్నట్టు తెలిపారు. పీటర్ అంటే ఫైట్స్ మాత్రమే కాదని ఆ సినిమా నిరూపిస్తుందన్న ఆయన తన కెరీర్ లో 49 ఎముకలు విరగ్గొట్టుకున్న విషయాన్ని బయటపెట్టారు. ఒక్క మగధీర సినిమాకే 19 ఎముకలు విరిగాయన్న పీటర్ అలాంటివి తనలోని ఫైట్ మాస్టర్ పట్టించుకోడని చెప్పడం విశేషం. తన రెమ్యునరేషన్ పై స్పందిస్తూ “నేను చేసే సినిమాలు భారీ బడ్జెట్‌తో తెరకెక్కుతాయి తప్ప నేను కాస్ట్లీ కాదని” బదులిచ్చాడు. ప్రస్తుతం ఆయన తెరకెక్కిస్తున్న ‘సమ్ హాయ్’ (ఇంగ్లిష్ లో ‘ది లివింగ్ సాండ్ బ్యాక్’) వియత్నాంలో షూటింగ్ జరుగుతోంది.
Home