‘దేవర’ ఐటెమ్‌ సాంగ్‌.. వద్దనుకుని వెళ్లిన హీరోయిన్‌ ఓకే అయిందా?

సినిమాల్లో ఒకప్పుడు ఐటెమ్‌ సాంగ్‌ ఉంటే గొప్పగా చెప్పుకునేవారు. సినిమా కాస్త డౌన్‌ అవుతుంది అనిపించినప్పుడు.. లేదంటే క్లైమాక్స్‌ ముందు అయినా సరే ఈ పాటలు వచ్చేవి. అయితే మధ్యలో కాస్త డౌన్‌ అయిన ఈ ట్రెండ్‌… ఇప్పుడు ఫుల్‌ జోష్‌లో ఉంది. అయితే ఈ ‘ఐటెమ్‌ సాంగ్‌ 2.0’ కాన్సెప్ట్‌లో ఐటెమ్‌ పాటలకు డ్యాన్స్‌లు వేస్తోంది స్టార్‌ హీరోయిన్లు. అందుకే ‘దేవర’ (Devara) సినిమా కోసం ఓ స్టార్‌ హీరోయిన్‌ను వెతుకుతున్నారు అని వార్తలు గత కొద్ది రోజులుగా వస్తున్నాయి.

ఈ క్రమంలో ఆ పాటకు ఎన్టీఆర్‌తో (Jr NTR) స్టెప్పులేసే భామ ఎవరు అనేది దాదాపు ఫిక్స్‌ అయింది అంటున్నారు. టాలీవుడ్‌, బాలీవుడ్‌లో చాలామంది స్టార్‌ హీరోయిన్ల పేర్లు పరిశీలనకు వచ్చినా.. ఫైనల్‌గా సైడ్‌ అయిపోతున్న స్టార్‌ హీరోయిన్‌ పేరు చర్చలోకి వచ్చింది. గతంలో ఆమెకు ఇలాంటి పాటలు చేసిన అనుభవం ఉండటం.. తారక్‌తో ఆమెకు మంచి అనుబంధం ఉండటం మూలాన ఆమెనే ‘దేవర’ ఐటెమ్‌ గాళ్‌ అని అంటున్నారు. ఆమెనే పూజా హెగ్డే (Pooja Hegde).

బుట్ట బొమ్మగా గత కొన్నేళ్లుగా ప్రేక్షకుల మనసులో నిలిచిపోయిన పూజ హెగ్డే పరిస్థితి ఇప్పుడేం బాలేదు. కెరీర్ మొదట్లో ఎలా ఒడిదుడుకులు ఎదుర్కొందో ఇప్పుడూ అదే పరిస్థితిలో ఉంది. మొన్నటి వరకు స్టార్ హీరోలు, ప్రొడ్యూసర్స్, దర్శకులు ఆమె వెంటపడి మరీ డేట్స్‌ ఓకే చేయించుకున్నారు. అయితే ఇప్పుడు టాలీవుడ్‌ జనాలు ఎవరూ ఆమె పట్టించుకోవడం లేదు అంటున్నారు. వరుసగా స్టార్‌ హీరోల సినిమా పట్టాలెక్కుతున్నా ఎక్కడా ఆమె పేరు వినిపించడం లేదు.

అలా అని గ్లామర్‌ తగ్గిందా, ఫిగర్‌ మారిందా అంటే లేదు. కేవలం హిట్‌ ట్రాక్‌లో లేదు అంతే. ఈ క్రమంలో ఎన్టీఆర్, కొరటాల శివ (Koratala Siva) కాంబోలో వస్తున్న ‘దేవర’లో ఐటమ్ సాంగ్ కోసం పూజ హెగ్డే ఓకే చెప్పింది అంటున్నారు. ఇలా అయినా తిరిగి తెలుగులో ఇన్నింగ్స్‌ రీస్టార్ట్‌ చేయాలని అనుకుంటోందట. మరి ఆమె ప్రయత్నాలు ఎంతమేర విజయం సాధిస్తాయో చూడాలి.