Dhanush, Pooja Hegde: ధనుష్ మరో మూవీలో హీరోయిన్ ఈమేనా?

July 29, 2021 / 07:28 PM ISTByFilmy Focus

Join Us

Dhanush, Pooja Hegde: ధనుష్ మరో మూవీలో హీరోయిన్ ఈమేనా?

కోలీవుడ్ స్టార్ హీరోలలో ఒకరైన ధనుష్ ఇప్పటికే స్టార్ హీరోగా గుర్తింపును సంపాదించుకున్నారు. రజనీకాంత్ అల్లుడు అయినప్పటికీ సొంతంగానే సినిమాసినిమాకు క్రేజ్ ను పెంచుకుంటున్న ధనుష్ సితార ఎంటర్టైన్మెంట్స్ బ్యానర్ లో ఒక సినిమాకు గ్రీన్ సిగ్నల్ ఇచ్చారు. ఈ సినిమాలో హీరోయిన్ పాత్రకు పూజా హెగ్డే ఫిక్స్ అయినట్టు సమాచారం. వెంకీ అట్లూరి ఈ సినిమాకు దర్శకత్వం వహించే అవకాశాలు ఉన్నాయని వార్తలు వస్తున్నాయి. తమిళంలో వరుస ఆఫర్లు వస్తున్నా ధనుష్ మాత్రం ప్రస్తుతం టాలీవుడ్ పై దృష్టి పెట్టారు.

తెలుగు సినిమాతో ధనుష్ మార్కెట్ మరింత పెరిగే అవకాశం ఉంది. ఇప్పటికే పలువురు కోలీవుడ్ స్టార్ హీరోలు తెలుగులో డబ్బింగ్ సినిమాల ద్వారా మార్కెట్ ను పెంచుకోగా ధనుష్ కు మాత్రం తెలుగులో భారీస్థాయిలో మార్కెట్ లేదు. తెలుగులో స్ట్రెయిట్ సినిమాతో వస్తున్న ధనుష్ రెమ్యునరేషన్ ను మాత్రం భారీగా పెంచేశారని టాక్ వినిపిస్తోంది. శేఖర్ కమ్ముల ధనుష్ కాంబినేషన్ మూవీలో మాత్రం సాయిపల్లవి నటిస్తున్నారని వార్తలు రాగా అధికారిక ప్రకటన రావాల్సి ఉంది.

కోలీవుడ్ స్టార్ హీరో విజయ్ కూడా వంశీ పైడిపల్లి డైరెక్షన్ లో ఒక సినిమాకు గ్రీన్ సిగ్నల్ ఇచ్చిన సంగతి తెలిసిందే. ఇప్పటివరకు స్టార్ హీరోలతో సినిమాలను తెరకెక్కించని శేఖర్ కమ్ముల ధనుష్ తో ఎలాంటి సినిమాను తెరకెక్కిస్తారో తెలియాల్సి ఉంది. కెరీర్ లో ఊరమాస్ పాత్రల్లో ఎక్కువగా నటించిన ధనుష్ శేఖర్ కమ్ముల సినిమాలో క్లాస్ గా కనిపిస్తారేమో చూడాల్సి ఉంది.