పాన్ ఇండియా స్టార్ ప్రభాస్ వరుస సినిమాలు సైన్ చేస్తున్నారు. గ్యాప్ లేకుండా సినిమాలు చేస్తూనే ఉన్నారు. ఐదారేళ్ల వరకు ఏ మాత్రం తీరిక లేకుండా ఉండేలా ప్లాన్ చేసుకుంటున్నారు. ఆయన ఒప్పుకున్న సినిమాలు ఎప్పుడు పూర్తవుతాయో..? ఎప్పుడు రిలీజ్ అవుతాయో క్లారిటీ లేదు కానీ క్రేజీ కాంబినేషన్స్ ను మాత్రం సెట్ చేసుకుంటున్నారు. అందుతున్న సమాచారం ప్రకారం.. ప్రభాస్, సుకుమార్ కాంబినేషన్ లో పాన్ ఇండియా సినిమా రాబోతుందట.
‘పుష్ప2’ సినిమా రిలీజైన తరువాత ఈ ప్రాజెక్ట్ కి సంబంధించిన పనులను సుకుమార్ మొదలుపెడతాడని అంటున్నారు. ‘ది కాశ్మీర్ ఫైల్స్’, ‘కార్తికేయ2’ వంటి బ్లాక్ బస్టర్ సినిమాలతో జోరు మీదున్న నిర్మాత అభిషేక్ అగర్వాల్.. ప్రభాస్-మారుతీ సినిమాను తెరకెక్కిస్తారట. కొన్ని రోజుల క్రితం అభిషేక్ అగర్వాల్, సుకుమార్, వివేక్ అగ్నిహోత్రి కలిసి తీసుకున్న ఫొటో సోషల్ మీడియాలో చక్కర్లు కొట్టింది. ఆ ఫొటో వెనకున్న స్టోరీ ఇదేనని టాక్. ప్రస్తుతం ప్రభాస్..
‘సలార్’ సినిమాను పూర్తి చేసే పనిలో పడ్డారు. మధ్యలో గ్యాప్ తీసుకొని మారుతి సినిమాలో నటిస్తున్నారు. ‘ప్రాజెక్ట్ K’ కోసం నాగ్ అశ్విన్ చిన్న బ్రేక్ ఇవ్వడంతో ఆ సమయాన్ని కూడా మారుతి సినిమా కోసం కేటాయిస్తున్నారు. ‘ఆదిపురుష్’ సినిమా కోసం ప్రభాస్ చేయాల్సిందేమీ లేదు. ఇక సందీప్ రెడ్డి వంగ అనౌన్స్ చేసిన ‘స్పిరిట్’ సినిమా ఇప్పట్లో సెట్స్ పైకి వెళ్లేలా లేదు.
ఎందుకంటే సందీప్ రెడ్డి ప్రస్తుతం రణబీర్ తో కలిసి ‘యానిమల్’ అనే సినిమా తీస్తున్నారు. ఇది ఎప్పుడు పూర్తవుతుందో ఆ తరువాత ప్రభాస్ సినిమా గురించి ఆలోచిస్తారు సందీప్ రెడ్డి. ఇక సుకుమార్ మరో ఏడాదిన్నర వరకు ‘పుష్ప2’తోనే బిజీగా ఉంటారు. ఆయన రామ్ చరణ్ తో ఓ సినిమా తీస్తారని అన్నారు. దాని గురించి ఎలాంటి సమాచారం లేదు. ఇప్పుడేమో ప్రభాస్ తో సినిమా అంటున్నారు. మరి దీనిపై ఏదైనా ప్రకటన వస్తుందేమో చూడాలి!
18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!
ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?
