Prabhas: ప్రేమ కోసం జైలుపాలయ్యే పాత్రలో ప్రభాస్!

పాన్ ఇండియా స్టార్ ప్రభాస్  (Prabhas) , హను రాఘవపూడి (Hanu Raghavapudi) దర్శకత్వంలో తెరకెక్కుతున్న ‘పౌజీ’ షూటింగ్ రామోజీ ఫిల్మ్ సిటీలో వేగంగా జరుగుతోంది. ఈ భారీ ప్రాజెక్ట్ 1940ల నేపథ్యంలో ప్రేమ, యుద్ధం, దేశభక్తి అంశాల చుట్టూ రూపొందుతోంది. ఇప్పటికే కొన్ని కీలకమైన సన్నివేశాలు వివిధ లొకేషన్లలో పూర్తవగా, ప్రస్తుతం ప్రధానమైన యాక్షన్ ఎమోషనల్ సీన్స్‌ చిత్రీకరణ జరుగుతోంది. ప్రత్యేకంగా నిర్మించిన జైలు సెట్‌లో ప్రభాస్ పాత్రకు సంబంధించిన ముఖ్యమైన సన్నివేశాలు తెరకెక్కిస్తున్నట్లు తెలుస్తోంది.

Prabhas

ఈ చిత్రంలో ప్రభాస్ ప్రేమ కోసం ఖైదీగా మారే పాత్రలో కనిపించనున్నారు. కథ ప్రకారం, తన ప్రియురాలి కోసం జైలుపాలై త్యాగం చేసే ప్రేమికుడిగా ప్రభాస్ తన పాత్రకు జీవం పోస్తున్నారు. ప్రియురాలి ప్రేమను గెలిచేందుకు ఆయన పాత్రలో కనిపించే ఎమోషనల్ సన్నివేశాలు ప్రేక్షకుల హృదయాలను తాకుతాయని చిత్ర వర్గాలు చెబుతున్నాయి. ప్రభాస్, ఇమాన్వీ మధ్య వచ్చే సన్నివేశాలు ఈ సినిమా ప్రత్యేక ఆకర్షణగా నిలుస్తాయని తెలుస్తోంది.

ఇది హను రాఘవపూడి మార్క్ లవ్ స్టోరీతో పాటు యాక్షన్ డ్రామాతో నిండిన చిత్రంగా ఉండబోతుందని సమాచారం. 1940ల స్వాతంత్య్రపూర్వ కాలం నేపథ్యంగా సాగుతున్న ఈ కథ, అప్పటి వాతావరణానికి అనుగుణంగా అద్భుతమైన సెట్స్‌తో తెరకెక్కిస్తున్నారు. దేశభక్తి, యుద్ధభూమి పరిసరాల్లో సాగే ఈ ప్రేమ కథలో నెవ్వర్ బిఫోర్ లాంటి ట్విస్ట్‌లు ఉంటాయని రైటింగ్ టీమ్ చెప్పింది.

ఈ లాంగ్ షెడ్యూల్‌లో ప్రభాస్‌తో పాటు ప్రధాన తారాగణమంతా పాల్గొంటున్నారని సమాచారం. జైలు నేపథ్య సన్నివేశాలు, పోరాట సీన్లు, ప్రేమ పాత్రలో ప్రభాస్ పర్ఫార్మెన్స్‌ను హైలైట్ చేస్తూ, ఈ ప్రాజెక్ట్ పాన్ ఇండియా స్థాయిలో సరికొత్త స్థాయిలో చేరుకునేలా హను శ్రమిస్తున్నట్లు తెలుస్తోంది. ‘పౌజీ’ సినిమా హాలీవుడ్ స్థాయి నిర్మాణ విలువలతో రూపొందుతుండటంతో ప్రేక్షకుల్లో భారీ అంచనాలు ఉన్నాయి. మరి సినిమా ఏ రేంజ్ లో హైలెట్ అవుతుందో చూడాలి.

వార్ 2 కోసం మహేష్.. జక్కన్న వదులుతాడా?