‘మత్తువదలరా 2’ సినిమాకు తగ్గట్టే ప్రచారం కూడా సర్కాస్టిక్గానే జరుగుతోంది. ఇటీవల సినిమా ట్రైలర్ను ప్రభాస్ (Prabhas) లాంచ్ చేశారు. అయితే దానిని కూడా ఓ కాన్సెప్ట్ పెట్టి మరీ చేసింది సినిమా టీమ్. కాన్సెప్ట్ ఎవరిదో తెలియదు కానీ.. ఆ ట్రైలర్ రిలీజ్ వీడియో చూశాక ప్రభాస్ ఫ్యాన్స్ అయితే ఫుల్ హ్యాపీగా ఉన్నారు. కారణం ఆ వీడియోలో ప్రభాస్ కామెడీ టైమింగ్. వరుస పెట్టి సీరియస్, యాక్షన్ సినిమాలు చేస్తున్నాడు కానీ ప్రభాస్లో మంచి కామెడీ టైమింగ్ ఉంది.
దాన్ని ‘బుజ్జిగాడు’ (Bujjigadu) సినిమాతో బయటకు తీశారు దర్శకుడు పూరి జగన్నాథ్ (Puri Jagannadh). అయితే ఆ తర్వాత ఆ స్థాయి కామెడీ కానీ, కామెడీ సినిమా కానీ ఆయన నుండి రాలేదు. దీంతో ప్రభాస్లో (Prabhas) కామెడీ టచ్ ఏమన్నా తగ్గిందా అనే చర్చ మొదలైంది. సరిగ్గా ఆ సమయంలోనే ప్రభాస్ – మారుతి (Maruthi Dasari) కాంబినేషన్లో ‘ది రాజాసాబ్’ (The Rajasaab) సినిమా అనౌన్స్ చేశారు. ఈ సినిమా మారుతి స్టైల్ కామెడీ – హారర్ అని చెప్పారు.
దీంతో ప్రభాస్ను (Prabhas) మరోసారి జోవియల్ గెటప్లో చూడొచ్చు అని ఫిక్స్ అయ్యారు. అనుకున్నట్లుగానే ఆ సినిమా టీజర్లో కాస్త కనిపించింది. ఇప్పుడడు ‘మత్తు వదలరా 2’ ట్రైలర్ లాంచ్లో ఫుల్గా కనిపించింది. ఆ సినిమా ట్రైలర్ లాంచ్ సందర్భంగా ప్రభాస్ చెప్పిన డైలాగులు క్యాచీగా ఉన్నాయి. ‘వీడ్ని బయటికెళ్లి ఆడుకోమను’, ‘ఇదేంట్రా ఇంతుంది’, ‘ఇయాల్టికి ఇదొత్తదా’ అంటూ ప్రభాస్ అని గోదావరి యాసలో అదరగొట్టాడు.
దీంతో ఇదే స్టైల్లో ‘రాజాసాబ్’లో డైలాగ్లు చెబితే చాలు సినిమా అదిరిపోతుంది. మాకూ కామెడీ లోటు తగ్గుతుంది అని ఫ్యాన్స్ అంటున్నారు. ఇక పీపుల్ మీడియా ఫ్యాక్టరీ నిర్మిస్తున్న ‘ది రాజాసాబ్’ సినిమాను తొలుత సంక్రాంతికి తీసుకొస్తారు అని వార్తలొచ్చాయి. ఓసారి నిర్మాత కూడా అదే మాట అన్నారు. అయితే తర్వాత మాట మారింది. డేటు వచ్చే ఏడాది ఏప్రిల్ 10కి వెళ్లింది.
