ప్రభాస్ ఈ మధ్యనే ‘ఆదిపురుష్’ తో ప్రేక్షకుల ముందుకు వచ్చాడు. ఆ సినిమా ప్రేక్షకుల్ని మెప్పించలేదు. ఓపెనింగ్స్ మాత్రం అదిరిపోయాయి. అయితే ప్రభాస్ నెక్స్ట్ సినిమాలపై అభిమానులు చాలా ఆశలు పెట్టుకున్నారు. ఈ లిస్ట్ లో ముందుగా ‘సలార్’ ఉంది. ఈ చిత్రం మొదటి పార్ట్ ‘సలార్ – సీజ్ ఫైర్’ పేరుతో విడుదల కాబోతుంది. కొద్దిరోజుల క్రితం గ్లింప్స్ రిలీజ్ అయ్యింది. దానికి మిక్స్డ్ రెస్పాన్స్ వచ్చినా.. యూట్యూబ్ లో రికార్డులు సెట్ చేసి పెట్టింది.
సెప్టెంబర్ 28 న రిలీజ్ అయ్యే ఈ సినిమా పై అంచనాలు భారీగా ఉన్నాయి. అలాగే మరోపక్క నాగ్ అశ్విన్ దర్శకత్వంలో ‘కల్కి 2928 ad ‘ పై కూడా భారీ అంచనాలు ఏర్పడ్డాయి. గ్లింప్స్ అయితే అదిరిపోయింది. ఈ రెండు సినిమాలతో పాటు మారుతి దర్శకత్వంలో కూడా ప్రభాస్ ఓ సినిమా చేస్తున్నాడు. దాని గురించి నిర్మాతలైన పీపుల్ మీడియా వారు ఎటువంటి ప్రకటన చేయలేదు. అలాగే ఆ సినిమాపై బజ్ కూడా పెద్దగా లేదు. ఇదిలా ఉంటే..
వాటి తర్వాత ప్రభాస్ (Prabhas) ఏ దర్శకుడితో సినిమా చేస్తాడు అనేది ఆసక్తికరంగా మారింది. ‘మైత్రి మూవీ మేకర్స్’ వారికి ప్రభాస్ ఓ సినిమా చేసి పెట్టాలి. ‘పఠాన్’ దర్శకుడు సిద్ధార్థ్ ఆనంద్ దర్శకత్వంలో ఈ ప్రాజెక్టు ఉంటుంది అని అంతా అనుకున్నారు. కానీ ‘ఆదిపురుష్’ దెబ్బతో కొన్నాళ్ల పాటు బాలీవుడ్ డైరెక్టర్స్ జోలికి పోకూడదు అని ప్రభాస్ భావిస్తున్నాడు. దీంతో మైత్రి వారు లోకేష్ కనగరాజ్ తో ప్రభాస్ మూవీని సెట్ చేసే పనిలో పడ్డారు.
ప్రభాస్ – లోకేష్ కాంబో గురించి చాలా కాలంగా చర్చ జరుగుతుంది. ప్రభాస్ కి లోకేష్ చెప్పిన లైన్ కూడా నచ్చింది. కాకపోతే ఈ గ్యాప్ లో లోకేష్ రజినీకాంత్ తో ఓ సినిమా చేయాల్సి ఉంది. ఈలోపు ప్రభాస్ కమిట్ అయిన సినిమాలు కంప్లీట్ చేసుకుంటాడు. కాబట్టి 2025 / 2026 లో ప్రభాస్ – లోకేష్ ల ప్రాజెక్టు మొదలయ్యే అవకాశాలు ఉన్నాయి.
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
Home