బాహుబలి తో ప్రభాస్ కి విపరీతమైన క్రేజ్ వచ్చింది. ఆ క్రేజ్ ని డార్లింగ్ ఉపయోగించుకోవాలనుకుంటు న్నారు. సుజీత్ దర్శకత్వంలో చేయనున్న సినిమా ప్రమోషన్ కోసం ఆయన సరికొత్త ప్లాన్ వేశారు. అది ఏమిటంటే.. బాహుబలి బిగినింగ్ చిత్రానికి కొనసాగింపుగా తెరకెక్కిన బాహుబలి కంక్లూజన్ ఏప్రిల్ 28 న ప్రపంచవ్యాప్తంగా రిలీజ్ కానున్న సంగతి అందరికీ తెలిసిందే. ఈ అద్భుత కళాఖండంతో పాటు ప్రభాస్ 19 సినిమాకు సంబంధించిన టీజర్ ని థియేటర్లలో ప్రదర్శించనున్నారు. యూవీ క్రియేషన్స్ బ్యానర్లలో వంశీ, ప్రమోద్ లు 150 కోట్ల బడ్జెట్ తో తెరకెక్కించనున్న ఈ త్రిభాషా చిత్రం పూజా కార్యక్రమాలు కూడా పూర్తి అయ్యాయి. ప్రభాస్ పోలీసాఫీసర్ గా తొలిసారి నటిస్తున్న ఈ మూవీకి సినిమాటోగ్రాఫర్ గా మధిని తీసుకున్నారు.
ఎక్కువ భాగం దుబాయ్ లో షూటింగ్ జరుపుకోనున్న ఈ మూవీకి మిషన్ ఇంపాజిబుల్ వంటి అనేక హిట్ సినిమాలకు పనిచేసిన హాలీవుడ్ ఫైట్ మాస్టర్ కెన్నీ బేట్స్ యాక్షన్ సీన్స్ కంపోజ్ చేయనున్నారు. ఇలా హాలీవుడ్, బాలీవుడ్ టెక్నీషియన్లు పనిచేయనున్న ఈ చిత్రం మే నెల నుంచి రెగ్యులర్ షూటింగ్ జరుపుకోనుంది. అంతకంటే ముందు కొన్ని యాక్షన్ సీన్స్ ని షూట్ చేశారు. దానిని పవర్ ఫుల్ టీజర్ గా చేసి ఏప్రిల్ 27 సోషల్ మీడియాలో రిలీజ్ చేసి, తర్వాత రోజు నుంచి బాహుబలి 2 రన్ అయ్యే థియేటర్లలో ప్రదర్శించనున్నారు.
Also, do SUBSCRIBE to our YouTube channel to get latest Tollywood updates.
