సౌత్ ఇండియన్ హీరోల్లో మొదటిస్థానం అందుకున్న ప్రభాస్!

యంగ్ రెబల్ స్టార్ ప్రభాస్ ఐదేళ్లు పడిన కష్టం వృధా పోలేదు. బాహుబలి చిత్రాలకోసం చేసిన శ్రమ మంచి పేరుని తెచ్చి పెట్టింది. ఇండియన్ స్టార్ గా గుర్తింపుని అందించింది. బాహుబలి సినిమాకి ముందు తెలుగు వారికీ మాత్రమే తెలిసిన ప్రభాస్ ఇప్పుడు అందరికీ దేశవ్యాప్తంగా అభిమాన హీరో అయ్యారు. తాజాగా సౌత్ ఇండియన్ హీరోల్లో నంబర్ వన్ స్థానాన్ని సొంతం చేసుకున్నారు. బాలీవుడ్ కి చెందిన ఓ సినీ వెబ్ సైట్ వారు దక్షినాదిన టాప్ స్టార్ (2017) ఎవరనే దానిపై పోల్ నిర్వహించారు.

ఈ పోల్‌లో 35 శాతం ఓట్లతో ప్రభాస్ మొదటిస్థానంలో నిలిచారు. సూపర్ స్టార్ మహేశ్ బాబు 30 శాతం ఓట్లతో రెండో స్థానాన్ని దక్కించుకున్నారు. 12శాతం ఓట్లతో అజిత్, 11 శాతం ఓట్లతో ఎన్టీఆర్, 5 శాతం ఓట్లతో విజయ్ వరుసగా మూడు, నాలుగు, ఐదు స్థానాల్లో నిలిచారు. ప్రస్తుతం ప్రభాస్ యువ దర్శకుడు సుజీత్ దర్శకత్వంలో సాహో మూవీ చేస్తున్నారు. యూవీ క్రియేషన్స్ బ్యానర్లో ఏకకాలంలో తెలుగు, తమిళ, హిందీ భాషల్లో వంశీ, ప్రమోద్ లు నిర్మిస్తున్న ఈ సినిమాపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.