Salaar: వైజాగ్ లో ‘సలార్’ సినిమా షూటింగ్!

పాన్ ఇండియా స్టార్ ప్రభాస్ వరుస సినిమాలు సైన్ చేస్తున్నారు. ప్రస్తుతం ఆయన మూడు సినిమాల్లో నటిస్తున్నారు. అందులో ఒకటి ‘సలార్’. ప్రశాంత్ నీల్ డైరెక్ట్ చేస్తోన్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఈ సినిమా షూటింగ్ మొదలై చాలా కాలమవుతోంది. కానీ ఇప్పటివరకు ఒక పాట గానీ, టీజర్ గానీ బయటకు రాలేదు. సరైన అప్డేట్స్ కూడా రావడం లేదు. అయితే ఇప్పుడు ఈ సినిమా షూటింగ్ కి సంబంధించిన అప్డేట్ బయటకొచ్చింది.

విశాఖపట్టణంలో ‘సలార్’ కొత్త షెడ్యూల్ ని మొదలుపెట్టబోతున్నారు. విశాఖ పోర్టులో పదిహేను రోజుల పాటు కీలక సన్నివేశాలను, యాక్షన్ ఎపిసోడ్స్ ని తెరకెక్కిస్తారని తెలుస్తోంది. ఈ సినిమాతో పాటు ‘ప్రాజెక్ట్ K’ సినిమా షూటింగ్ కోసం కూడా కొన్ని డేట్స్ కేటాయించారట ప్రభాస్. ఫిబ్రవరి నెల మొత్తం ‘ప్రాజెక్ట్ K’, ‘సలార్’ సినిమా షూటింగ్స్ తో బిజీ కానున్నారు ప్రభాస్. ‘సలార్’ సినిమా సంగతేమో కానీ.. ‘ప్రాజెక్ట్ K’ నుంచి మాత్రం ఈ నెలలో ఒక అప్డేట్ రాబోతుంది.

ఈ సినిమాను రెండు భాగాలుగా తెరకెక్కించనున్నారని ప్రచారం జరుగుతోంది. ఈ రెండు భాగాలకు సంబంధించిన న్యూస్ పై చిత్రబృందం క్లారిటీ ఇచ్చే అవకాశం ఉంది. మరోపక్క ప్రభాస్-మారుతి సినిమాకి సంబంధించిన పనులు కూడా జరుగుతున్నాయి. మార్చిలో ఈ సినిమా కొత్త షెడ్యూల్ ను మొదలుపెట్టాలనుకుంటున్నారు. ఆ విధంగా మూడు ప్రాజెక్ట్స్ తో చాలా బిజీగా గడుపుతున్నారు ప్రభాస్. ఇవి కాకుండా..

బాలీవుడ్ డైరెక్టర్ సిద్ధార్థ్ ఆనంద్ తో మరో సినిమా చేయాలనుకుంటున్నారు. దాన్ని మైత్రి మూవీ మేకర్స్ సంస్థ నిర్మించనుంది. ఇవి కాకుండా.. ప్రభాస్ నటించిన ‘ఆదిపురుష్’ సినిమా త్వరలోనే ప్రేక్షకుల ముందుకు రానుంది.

రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!

మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!