తన పెళ్లిపై సెటైర్ వేసుకున్న ప్రభాస్

బాహుబలిని కట్టప్ప ఎందుకు చంపాడు?, ప్రభాస్ పెళ్లి ఎప్పుడు? .. ఈ రెండు ప్రశ్నలు గత ఏడాది మీడియాలో ఎక్కువగా హల్ చల్ చేశాయి. మొదటిది ప్రభాస్ రీల్ లైఫ్ గురించి అయితే.. రెండోది రియల్ లైఫ్ గురించి. బాహుబలి కంక్లూజన్ ఏప్రిల్ 28 విడుదలయిన తర్వాత బాహుబలిని కట్టప్ప ఎందుకు చంపాడో తెలిసిపోతుంది. మరి డార్లింగ్ ఎప్పుడు ఇంటివాడు అవుతాడు?.. ఈ ప్రశ్నకి ఇంకా సంధానం దొరకడం లేదు. వాస్తవానికి బాహుబలి కోసం పెళ్లిని పోస్ట్ పోన్ చేశారని గత మూడేళ్ళుగా చెప్పుకుంటూ వచ్చారు. బాహుబలి పూర్తి అయిపోయింది .. మరి ఇప్పుడు సమాధానం ఏమిటి? ..  37 సంవత్సరాల సీనియర్ బ్యాచిలర్ పెళ్లిపై  ఏమంటున్నారు? .. ఆయన అభిమానులను వేధిస్తున్న ప్రశ్న ఇది.

మహా శివరాత్రి సందర్భంగా ఆయన ఇచ్చిన ఇంటర్వ్యూ లో దీనిపై సరదాగా స్పందించారు. “పెళ్లిపై నా దగ్గర కరక్ట్ ఆన్సర్ లేదు. ఒక వేళ ఆ సమయం వచ్చినప్పుడు సడన్ గా పేపర్ లోను, టీవీలోనూ ఫ్లాష్ న్యూస్ గా వస్తుంది” అంటూ నవ్వుతూ చెప్పారు. ప్రభాస్ సమాధానం విన్న సినీ పెద్దలు.. ఎటువంటి హడావుడి లేకుండా, సీక్రెట్ గా కుటుంభం సమక్షంలో యంగ్ రెబల్ స్టార్ పెళ్లి చేసుకుంటారనే అనుమానాన్ని వ్యక్తం చేస్తున్నారు. ఏది ఏమైనా.. ప్రభాస్ పెళ్లిని చూస్తామా…! పెళ్లి వార్తను చూస్తామా ..! అనేది మాత్రం సస్పెన్స్.

Also, do SUBSCRIBE to our YouTube channel to get latest Tollywood updates.