Prabhas : నిజంగానే ప్రభాస్ అంత పెద్ద నిర్ణయం తీసుకున్నాడా..?

పాన్ ఇండియా స్టార్ ప్రభాస్ మంచి మనసు గురించి ఎంత చెప్పినా తక్కువే. టాలీవుడ్‌లో సాధారణ హీరోగా ఎంట్రీ ఇచ్చిన ప్రభాస్, తనదైన నటనతో క్రమంగా స్టార్ ఇమేజ్‌ను సంపాదించుకున్నాడు. కానీ ఆయన కెరీర్‌ను పూర్తిగా మార్చేసిన సినిమా మాత్రం బాహుబలి 1 &2 . దర్శకుడు ఎస్ ఎస్ రాజమౌళి విజన్‌తో ప్రభాస్ పేరు పాన్-ఇండియా స్థాయిలో మార్మోగిపోయింది.

Prabhas

అంతకుముందు చూసినట్లయితే, డైరెక్టర్ శోభన్ దర్శకత్వంలో ‘వర్షం’ తనలోని హీరోని కొత్తగా చూపించి సూపర్ డూపర్ హిట్ కొట్టగా,రాజమౌళి దర్శకత్వంలో వచ్చిన ‘ఛత్రపతి’ లాంటి సినిమాలు ఆయనను మాస్ హీరోగా నిలబెట్టాయి. అలాగే రైటర్ & డైరెక్టర్ కొరటాల శివ తోలి చిత్రమైన ‘మిర్చి’ ఆయనలోని స్టైలిష్ అండ్ మాస్ ఎలేవేషన్స్ ని బాగా చూపించటంతో బాక్స్ ఆఫీస్ దగ్గర మంచి కలెక్షన్లు అందుకున్నాయి. పాన్ ఇండియా హిట్ బాహుబలి తర్వాత యంగ్ డైరెక్టర్ సుజీత్ ‘సాహూ’ తో భారీ హైప్ తెచ్చినా, ఆశించిన స్థాయి విజయాన్ని అందుకోలేకపోయింది. అలా ‘రాధే శ్యామ్’ , ‘ఆదిపురుష్’ ప్రభాస్ కెరీర్‌లో ఫ్లాప్‌గా నిలిచాయి. అయితే KGF దర్శకుడు ప్రశాంత్ నీల్ తెరకెక్కించిన ‘సలార్ పార్ట్ 1’ తో మళ్లీ బాక్సాఫీస్ వద్ద తన స్టామినాను నిరూపించాడు ప్రభాస్. ఇలా తన మంచితనముతో కొంత మంది దర్శకులకు అవకాశం ఇవ్వగా, వారు ఆ అవకాశాన్ని సరిగ్గా వినియోగించుకోలేకపోయారు.

ఇప్పుడు ఇండస్ట్రీలో వినిపిస్తున్న మాట ఏంటంటే.. కథ ఎంపిక విషయంలో ప్రభాస్ మరింత జాగ్రత్తలు తీసుకుంటూ, అనుభవం ఉన్న దర్శకులకే ప్రాధాన్యం ఇవ్వాలని నిర్ణయించుకున్నాడట. ఈ వార్తల్లో ఎంత వరకు నిజం ఉందొ కానీ ఆయన లైనప్ చూస్తే మాత్రం స్టార్ డైరెక్టర్లతో భారీ ప్రాజెక్టులే కనిపిస్తున్నాయి.

Siddu Jonnalagadda: ‘శ్వాగ్’ దర్శకుడితో ‘డిజె టిల్లు’ హీరో సినిమా