దసరాకు రావణుడి పై విల్లు ఎక్కుపెట్టనున్న ప్రభాస్

బాహుబలి చంపాల్సింది భల్లాల దేవని కదా.. కొత్తగా కథలోకి రావణుడు వచ్చాడేంటి?.. విలన్ ఏమైనా మారాడా .. అని అనుకుంటున్నారా? .. విలన్ కాదు హీరోనే మారాడు.. ప్రభాస్ శ్రీ రాముడిగా మారబోతున్నాడు. రామాయణం ప్రకారం రాముడు రావణుడిని చంపినందుకు ప్రజలు దసరా పండుగను జరుపుకుంటారు. ఆ విజయాన్ని గుర్తుచేసుకునేలా హిందువులు పండుగ ముందురోజు రావణుడి గడ్డి విగ్రహాన్ని రూపొందించి కాల్చి వేస్తారు.

ఆ వేడుకను ఈ సారి యంగ్ రెబల్ స్టార్ ప్రభాస్ చేతులు మీదుగా నిర్వహించాలని అనేకమంది ప్రయత్నాలు చేస్తున్నారు. బాహుబలి విల్లు ఎక్కుపెట్టి బాణాన్ని రావణుడి గుండెలపై ప్రయోగిస్తే చూడాలని అభిమానులు కోరుకుంటున్నారు. ప్రస్తుతం బాహుబలి కంక్లూజన్ షూటింగ్ కోసం రోజుకు 16 గంటల పాటు కష్టపడుతున్నారు. చిత్రీకరణ కీలక దశలో ఉంది. ఇప్పుడు షూటింగ్ కి బ్రేక్ ఇవ్వడం కుదరదు. కానీ ఫ్యాన్స్ కోసం మహిస్మతి రాజ్యం నుంచి ఒకరోజు బాహుబలి బయటికి రానున్నట్లు సమాచారం. దసరా ముందు రోజు రాత్రి వేడుకల్లో పాల్గొననున్నారు. ఎక్కడ పాల్గొంటారో రెండురోజుల్లో అధికారిక ప్రకటన చేయనున్నారు.