‘బాహుబలి’ చిత్రంతో జాతీయ స్థాయిలో క్రేజ్ సంపాదించుకున్నాడు యంగ్ రెబల్ స్టార్ ప్రభాస్. ఇక ప్రభాస్ తాజా చిత్రం ‘సాహూ’ చిత్రాన్నికూడా భారీ బడ్జెట్ తో నిర్మిస్తుంది యూవీ క్రియేషన్స్ సంస్థ. ‘రన్ రాజా రన్’ ఫేమ్ సుజీత్ నిర్మిస్తున్న ఈ చిత్రంలో బాలీవుడ్ నటి శ్రద్ధాకపూర్ హీరోయిన్ గా నటిస్తుంది. ఈ చిత్రాన్ని ఆగష్టు 15 న విడుదల చేయడానికి చిత్ర యూనిట్ ప్లాన్ చేస్తుంది. ఇక ఈ చేస్తూనే ‘జిల్’ ఫేమ్ రాధాకృష్ణ కుమార్ డైరెక్షన్లో తన 20 వ చిత్రాన్ని కూడా మొదలు పెట్టేసాడు ప్రభాస్.
పిరియాడిక్ మూవీగా ఈ చిత్రం తెరకెక్కబోతుందని తెలుస్తోంది. 1960 లలో జరిగే ప్రేమ కథగా ఈ చిత్రం తెరకెక్కబోతుంది. ‘గోపి కృష్ణ మూవీస్’ ‘యూవీ క్రియేషన్స్’ సంస్థలు సంయుక్తంగా నిర్మిస్తున్న ఈ చిత్రాన్ని కూడా భారీ బడ్జెట్ తో తెరకెక్కిస్తున్నారు. ఇక ఈ చిత్రానికి ‘జాను’ అనే టైటిల్ దాదాపుగా ఫిక్స్ చేసినట్టు తెలుస్తుంది. ఇంకా అధికారికంగా ప్రకటించినప్పటికీ… చిత్ర యూనిట్ దాదాపు ‘జాను’ టైటిల్ ను కన్ఫర్మ్ చేసినట్టు టాక్ వినిపిస్తుంది. ముఖ్యంగా ప్రభాస్ ఈ టైటిల్ బాగా ఆసక్తి చూపిస్తున్నాడట. చాల ఫంక్షన్లలో ప్రభాస్ ‘జాన్ జిగిరే’ అంటూ సరదాగా కొంత మందితో ఉన్న స్నేహాన్ని వివరిస్తుంటాడు. ఇక ‘జాను’ రెండు అక్షరాల టైటిల్ అవ్వడంతో పాటు – జాను అంటే హిందీలో ‘డార్లింగ్’ అనే అర్థం వస్తుంది కాబట్టి.. ప్రభాస్ ఈ టైటిల్ పై ఆసక్తి చూపుతున్నట్టు తెలుస్తుంది. చాలా ప్లాపులు వచ్చిన తరుణంలో ‘డార్లింగ్’ చిత్రం ప్రభాస్ కు హిట్టిచ్చి ఫామ్ లోకి వచ్చేలా చేసింది. అంతే కాదు ‘బుజ్జిగాడు’ చిత్రాల్లో డార్లింగ్ అంటూ ప్రభాస్ పలకడం.. చెప్పాలంటే ప్రభాస్ అసలు క్రేజ్ ఆ చిత్రం నుండే మొదలయ్యింది. ‘బుజ్జిగాడు’ చిత్రం యావరేజ్ గా నిలిచినప్పటికీ ప్రభాస్ ని… మాత్రం ఇండస్ట్రీలో అందరికీ డార్లింగ్ ని చేసింది. ఇక ‘ప్రభాస్ 20’ చిత్రంలో హీరోయిన్ గా పూజా హెగ్దే నటిస్తుంది. ఈ చిత్రాన్ని 2020 సంక్రాంతికి కానుకగా ప్రేక్షకుల ముందుకు తీసుకురావడానికి చిత్ర యూనిట్ ఆలోచనలో ఉందట.
