బాహుబలి కంక్లూజన్ తో కలిసి రానున్న ప్రభాస్ 19 మూవీ టీజర్

బాహుబలి బిగినింగ్ చిత్రానికి కొనసాగింపుగా తెరకెక్కిన బాహుబలి కంక్లూజన్ ఏప్రిల్ 28 న ప్రపంచవ్యాప్తంగా రిలీజ్ కానున్న సంగతి అందరికీ తెలిసిందే. ఈ అద్భుత కళాఖండంతో పాటు డార్లింగ్ అభిమానులను మరో కానుక ఇవ్వనున్నారు. బాహుబలి 2 మూవీ విశ్రాంతి సమయంలో ప్రభాస్ 19 సినిమాకు సంబంధించిన టీజర్ ని థియేటర్లలో ప్రదర్శించనున్నారు. బాహుబలి తర్వాత యంగ్ రెబల్ స్టార్ రన్ రాజా రన్ దర్శకుడు సుజీత్ దర్శకత్వంలో మూవీ చేయనున్నారు. యూవీ క్రియేషన్స్ బ్యానర్లలో వంశీ, ప్రమోద్ లు 150 కోట్ల బడ్జెట్ తో తెరకెక్కించనున్న ఈ త్రిభాషా చిత్రం  పూజా కార్యక్రమాలు కూడా పూర్తి అయ్యాయి. ప్రభాస్ పోలీసాఫీసర్ గా తొలిసారి నటిస్తున్న ఈ మూవీకి సినిమాటోగ్రాఫర్ గా మధిని తీసుకున్నారు.

అలాగే జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు డార్లింగ్ ఫిల్మ్ కి సంగీతాన్ని అందించనున్నారు. ఎక్కువ భాగం దుబాయ్ లో షూటింగ్ జరుపుకోనున్న ఈ మూవీకి  మిషన్ ఇంపాజిబుల్ వంటి అనేక హిట్ సినిమాలకు పనిచేసిన హాలీవుడ్ ఫైట్ మాస్టర్ కెన్నీ బేట్స్ యాక్షన్ సీన్స్ కంపోజ్ చేయనున్నారు. ఇలా హాలీవుడ్, బాలీవుడ్ టెక్నీషియన్లు పనిచేయనున్న ఈ చిత్రం మే నెల నుంచి రెగ్యులర్ షూటింగ్ జరుపుకోనుంది. అంతకంటే ముందు కొన్ని యాక్షన్ సీన్స్ షూట్ చేసి టీజర్ రెడీ చేసే పనిలో సుజీత్ ఉన్నారని తాజా సమాచారం. ఈ వార్త నిజమయితే ప్రభాస్ అభిమానులకు రెండు పండుగలు ఒకే సారి వచ్చినట్లే.

Also, do SUBSCRIBE to our YouTube channel to get latest Tollywood updates.