పాన్ ఇండియా స్టార్ ప్రభాస్ (Prabhas) , దర్శకుడు మారుతి (Maruthi Dasari) కలయికలో ‘ది రాజాసాబ్’ (The Rajasaab) అనే సినిమా రూపొందుతున్న సంగతి తెలిసిందే. ‘పీపుల్ మీడియా ఫ్యాక్టరీ’ సంస్థ పై టి.జి.విశ్వప్రసాద్ (T. G. Vishwa Prasad) ఈ చిత్రాన్ని ఎంతో ప్రతిష్టాత్మకంగా నిర్మించారు. వివేక్ కుచోభొట్ల సహా నిర్మాతగా వ్యవహరిస్తున్నారు. తమన్ (S.S.Thaman) ఈ చిత్రానికి సంగీతం అందిస్తున్నాడు. ‘సలార్’ (Salaar) ‘కల్కి 2898 ad’ (Kalki 2898 AD) వంటి చిత్రాలు హిట్ అవ్వడంతో ‘ది రాజాసాబ్’ పై కూడా భారీ అంచనాలు ఏర్పడ్డాయి. ఇదొక హార్రర్ కామెడీ జోనర్లో రూపొందుతున్న చిత్రం అనే ప్రచారం జరిగిన సంగతి తెలిసిందే.
ఇక తాజాగా ‘ది రాజాసాబ్’ గ్లింప్స్ ను విడుదల చేశారు మేకర్స్. ఈ గ్లింప్స్ విషయానికి వస్తే.. ఇది 45 సెకన్ల నిడివి కలిగి ఉంది. ఇందులో ప్రభాస్ టైల్ గా బైక్ పై నుండి వచ్చి చోట దిగుతాడు. ఆ తర్వాత పక్కనే ఉన్న కార్ అద్దంలో తనని తాను చూసుకుని మురిసిపోతూ అక్కడే ఉన్న పువ్వులతో దిష్టి తీసుకుంటాడు. ఈ చిన్న గ్లింప్స్ చూడటానికి చాలా కలర్ ఫుల్ గా ఉంది.
తమన్ అందించిన బ్యాక్ గ్రౌండ్ స్కోర్ కూడా హైలెట్ అని చెప్పాలి. ఇదొక హర్రర్ రొమాంటిక్ కామెడీ డ్రామా అని కూడా ఈ గ్లింప్స్ ద్వారా స్పష్టం చేశారు మేకర్స్. ప్రభాస్ ఈ గ్లింప్స్ లో చాలా అందంగా కనిపిస్తున్నాడు. ‘బుజ్జిగాడు’ (Bujjigadu) ‘డార్లింగ్’ (Darling) రోజులను గుర్తుచేసేలా అతని లుక్ ఉంది. మీరు కూడా ఓ లుక్కేయండి :
