ప్రభు తేజ (Prabhu Teja).. అతి త్వరలో ఓ సూపర్ నేచురల్ వెబ్ సిరీస్ ప్రాజెక్టుతో తెరంగేట్రం చేయబోతున్నారు. గతంలో పలు తెలుగు మ్యూజిక్ వీడియోస్ తో ఇతని పేరు మార్మోగింది. సోషల్ మీడియాలో కూడా ఇతని హవా ఎక్కువగానే కనిపిస్తుంది. ప్రభు తేజ జర్నీ చాలా మందికి ఇన్స్పిరేషన్ అనే చెప్పాలి.
ప్రభు తేజ కెనడాలో స్థిరపడిన విజయవాడ వాసి. ఇతను పుట్టి పెరిగింది అంతా విజయవాడలోనే. విద్యాభ్యాసం కూడా విజయవాడలోనే జరిగింది. అటు తర్వాత సాఫ్ట్ వేర్ ప్రొఫెషనల్ గా ఎదిగారు. ‘ఆపిల్’ ‘యాక్సెంచర్’ ‘ఇన్ఫోసిస్’ వంటి ప్రఖ్యాత ఎం.ఎన్.సి కంపెనీల్లో ప్రాజెక్ట్ మేనేజర్ గా పనిచేశారు. కొన్నాళ్ళ తర్వాత మోడలింగ్ రంగంలో అడుగు పెట్టారు. పలు ఇంటర్నేషనల్ మ్యాగ్జైన్స్ కి మోడల్ గా వ్యవహరించి మరింత పాపులర్ అయ్యారు. ఇదే క్రమంలో ప్రభుతేజకి నటనపై ఆసక్తి పెరిగింది.
ఆ ఉన్నత లక్ష్యంతోనే ‘రావే కన్నమ్మ’ ‘అయ్యో బ్రహ్మ’ ‘ఎవరే నువ్వు’ వంటి మ్యూజికల్ వీడియో సాంగ్స్ లో నటించారు. వాటికి మంచి పేరొచ్చింది. అందుకే ప్రభు తేజకి ఓ సూపర్ నేచురల్ వెబ్ సిరీస్ ప్రాజెక్టులో నటించే అవకాశం కూడా లభించింది. ఇండియాలోనే ఇది మొట్ట మొదటి సూపర్ నేచురల్ వెబ్ సిరీస్ ప్రాజెక్టు అని చెప్పాలి. ఇందులో ఫుల్ లెంగ్త్ లీడ్ రోల్ పోషిస్తున్నారు ప్రభు తేజ. లంక ప్రతీక్ ప్రేమ్ కరణ్ దర్శకత్వం వహిస్తున్న ఈ వెబ్ సిరీస్ ను ‘ఆర్.పి.మూవీ మేకర్స్’ సంస్థ ఎంతో ప్రతిష్టాత్మకంగా నిర్మిస్తుంది. సోషల్ మీడియాలో దీనికి మంచి బజ్ ఏర్పడింది. ఈ ప్రాజెక్టుతో ప్రభు తేజ ఉన్నత శిఖరాలు అధిరోహించాలని ఆశిద్దాం.
Home