ఇంతందం దారి మళ్ళిందా.. భూమిపైకే చేరుకున్నదా.. అనిపిస్తోంది కదా?

ఇంతందం దారి మళ్ళిందా.. భూమిపైకే చేరుకున్నదా.. జగత్తు చూడని మహత్తు మీరేలే.. సోషల్‌ మీడియాలో ఈ వీడియోను చూసి అభిమానులు ఇలానే పాటకు కాస్త మార్చేసి పాడుకుంటున్నారు. ఎందుకంటే ఒక హీరోయిన్‌ ఫొటోలు, వీడియోలకు పోజులిస్తేనే మన కుర్రాళ్లను కంట్రోల్‌ చేయలేం. మా హీరోయిన్‌ టూమచ్‌ బ్యూటిఫుల్‌గా ఉంది బాబూ.. ఏమనుకుంటున్నావ్‌ అని పొంగిపోతుంటారు. అలాంటిది ఇద్దరు హీరోయిన్లు ఇలా కలసి ఫొటోలు, వీడియోలకు పోజులు ఇవ్వడం అంటే పెద్ద విషయమే కదా.

Samantha, Sreeleela

ముంబయిలో జరిగిన ఓ ఈవెంట్‌ రెడ్‌ కార్పెట్‌ సమయంలో తీసిన వీడియో ఇది. అన్నట్లు ఆ వీడియోలో ఎవరున్నారో చెప్పలేదు. వీడియోనో, పైన ఫొటోనే చూసే ఉంటారు అని ప్రత్యేకంగా చెప్పలేదు. ఒకరు సీనియర్‌ హీరోయిన్‌ సమంత (Samantha) అయితే, మరొకామె జూనియర్‌ హీరోయిన్‌ శ్రీలీల (Sreeleela). తెలుగులో ఓ వెలుగు వెలిగి ఇప్పుడు బాలీవుడ్‌లో పాగా వేయడానికి ప్రయత్నిస్తున్నారు ఇద్దరూ. అలా ముంబయిలో మకాం వేసిన ఈ ఇద్దరూ ఇటీవల జరిగిన ఓ ఈవెంట్‌కి ఇలా గ్లామరస్‌గా హాజరయ్యారు.

సమంత (Samantha) కాస్త లాంగ్‌ కట్‌ ఉన్న డ్రెస్‌ వేస్తే.. శ్రీలీల (Sreeleela) కాస్త తక్కువ కట్‌ ఉన్న డ్రెస్‌ వేసింది. ఇద్దరి మధ్య అందాల ప్రదర్శనలో సమంత నెగ్గగా.. తాను కూడా తక్కువేమీ కాదు క్యూట్‌నెస్‌తో మెప్పించింది శ్రీలీల. ఫొటోగ్రాఫర్లు అడిగారు అని శ్రీలీలను పిలిచి పక్కన నిల్చోబెట్టుకుని మరీ ఫొటోలకు పోజులిచ్చింది సమంత. ఇద్దరి మధ్య 14 ఏళ్లు గ్యాప్‌ ఉన్నా.. దాదాపు ఇద్దరూ ఒకేలా అందంతో మెరిసిపోతున్నారు అంటే సమంత ఫిట్‌నెస్‌, బ్యూటీ సీక్రెట్‌ మీరు అర్థం చేసుకోవచ్చు.

ఇక ఇద్దరూ కలసిన ఫ్రేమ్‌ ఇంత బ్యూటిఫుల్‌గా ఉండేసరికి.. ఇద్దరూ కలిసి నటిస్తే బాగుండు అనే ఫ్యాన్స్‌ కోరిక కూడా బయటకు వచ్చింది. ఇక వీరి సినిమాల సంగతి చూస్తే.. సమంత ప్రస్తుతం ‘రక్త్‌ బ్రహ్మాండ్‌’ అనే వెబ్‌సిరీస్‌లో నటిస్తోంది. ఇది కాకుండా ‘మా ఇంటి బంగారం’ అనే సినిమాను నిర్మిస్తూ నటిస్తోంది. ఇక శ్రీలీల (Sreeleela) అయితే.. ‘జూనియర్‌’, ‘మాస్‌ జాతర’ (Mass Jathara), ‘ఆషికి 3’, ‘పరాశక్తి’, ‘ఉస్తాద్‌ భగత్‌ సింగ్‌’ సినిమాల్లో నటిస్తోంది. ‘లెనిన్‌’లో ఉందని చెప్పారు కానీ బయటకు వచ్చేసింది అని లేటెస్ట్ టాక్‌.

మనోజ్ ట్వీట్ పై విష్ణు రియాక్షన్..!