Spirit: నా పాత్ర షూటింగ్ ఇంకా మొదలు కాలేదు అప్పుడే తీసేశారా.. ప్రకాష్ రాజ్ క్లారిటీ

‘స్పిరిట్'(Spirit) భారీ హైప్ ను సొంతం చేసుకున్న టాలీవుడ్ సినిమా. ప్రభాస్, సందీప్ రెడ్డి వంగా కాంబినేషన్లో రూపుదిద్దుకుంటున్న సినిమా కావడంతో.. మొదటి నుండి దీనిపై భారీ అంచనాలు ఏర్పడ్డాయి. కాబట్టి ఈ సినిమాకి సంబంధించి ఏ వార్త వచ్చినా.. ఇట్టే వైరల్ అయిపోతుంది. ఈ క్రమంలో ఈరోజు ఓ షాకింగ్ న్యూస్ బయటకు వచ్చింది.

Spirit

అదేంటంటే.. ‘స్పిరిట్’ లో అత్యంత కీలక పాత్ర పోషిస్తున్న సీనియర్ నటుడు ప్రకాష్ రాజ్ ను తీసేశారు అనేది ఆ వార్త సారాంశం. దర్శకుడు సందీప్ రెడ్డి వంగా, ప్రకాష్ రాజ్ మధ్య స్క్రిప్ట్ కి సంబంధించి, అలాగే సెట్స్ కి రావాల్సిన టైమింగ్స్ విషయంలో.. మనస్పర్థలు చోటు చేసుకున్నాయని, దీంతో సందీప్ రెడ్డి వంగా.. ప్రకాష్ రాజ్ తో వాగ్వాదానికి దిగారని.. ప్రచారం మొదలైంది. వీటిని చూసి వెంటనే రియాక్ట్ అయ్యారు ప్రకాష్ రాజ్.

ఆయన తన ట్విట్టర్ ద్వారా ఈ విషయం పై స్పందిస్తూ.. ‘అసత్య ప్రచారాలు చేసే ఫేక్ న్యూస్ బ్యాచ్‌కి ఒక్కటే చెప్పదలచుకున్నాను. ‘స్పిరిట్’ సినిమా షూటింగ్లో భాగంగా నా పాత్రకి సంబంధించిన చిత్రీకరణ ఇంకా మొదలుకాలేదు. అప్పుడే ‘నన్ను తీసేశారు’ అంటూ మీ వాట్సాప్ ఫ్యాక్టరీల్లో లేనిపోని కథలు అల్లేస్తున్నారు. ఇదేం పద్ధతి..! ఇకనైనా మారండి.

జీవితంలో ఎదగడానికి పనిచేయండి’ అంటూ రాసుకొచ్చారు ప్రకాష్ రాజ్. అలాగే ‘జస్ట్ ఆస్కింగ్’ అంటూ ఆయన ట్రేడ్ మార్క్ హ్యాష్ ట్యాగ్ ను కూడా జత చేశారు.స్వయంగా ప్రకాష్ రాజ్ రంగంలోకి దిగి క్లారిటీ ఇచ్చారు కాబట్టి… ఆ రూమర్ కి ఫుల్స్టాప్ పడినట్టే..!

మా అమ్మకు మళ్ళీ పెళ్లి చేస్తా : సుప్రీత