మలయాళ చిత్రం “ప్రేమలు” (Premalu)క్రియేట్ చేసిన సెన్సేషన్ గురించి ఎంత చెప్పినా తక్కువే. ఒక చిన్న సినిమాగా విడుదలైన ఈ చిత్రం భారీ బ్లాక్ బస్టర్ హిట్ గా నిలిచింది. మలయాళ చిత్రసీమలో 100 కోట్ల కలెక్షన్స్ సాధించిన టాప్ 5 సినిమాల్లో ఒకటిగా నిలిచింది.
ఇక తెలుగు రీజనల్ మార్కెట్ లో ఈ సినిమా ఓ చిన్నపాటి ప్రకంపన సృష్టించింది.
రాజమౌళి (Rajamouli) కుమారుడు కార్తికేయ (karthikeya) ఈ సినిమా డబ్బింగ్ వెర్షన్ ను తెలుగులో రిలీజ్ చేసి మంచి లాభాలు పొందాడు. 90’s వెబ్ సిరీస్ దర్శకుడు ఆదిత్య హాసన్ ఈ సినిమాకి రాసిన తెలుగు డైలాగ్స్ హైలైట్ గా నిలిచాయి.దాంతో ఒరిజినల్ మేకర్స్ వెంటనే “ప్రేమలు 2” అంటూ సీక్వెల్ ను అనౌన్స్ చేశారు.
మలయాళ, తమిళ, తెలుగు భాషల్లో ఏకకాలంలో రిలీజ్ చేస్తామని కూడా చెప్పుకొచ్చారు. అయితే.. తాజా సమాచారం ప్రకారం ఈ సీక్వెల్ అటకెక్కిందని తెలుస్తోంది. దర్శకుడు రాసుకున్న కథ హీరో నస్లేన్ కి నచ్చలేదట. ఎన్ని వెర్షన్లు చెప్పినా తాను కన్విన్స్ అవ్వకపోవడంతో.. ప్రాజెక్ట్ నుంచి వాకౌట్ చేశాడని తెలుస్తోంది. అయితే.. దర్శకుడు గిరీష్ (Girish) & హీరో నస్లేన్ (Naslen ) కాంబినేషన్ లో ఆల్రెడీ “ఐయామ్ కాదలన్” (I Am Kathalan) అనే సినిమా వచ్చి ఫ్లాపయ్యింది.
ఆ సినిమా రిజల్ట్ ఎఫెక్ట్ కూడా ఈ సీక్వెల్ మీద పడి ఉండొచ్చు అనుకుంటున్నారు మలయాళ ఇండస్ట్రీ పెద్దలు. సో, ప్రేమలు 2 అఫీషియల్ గా ఆగిపోయినట్లే.అయితే.. “ప్రేమలు”తో నస్లేన్ కి తెలుగులో మంచి మార్కెట్ ఏర్పడగా, మమిత (Mamitha)స్టార్ హీరోయిన్ అయిపోయింది. ప్రస్తుతం విజయ్, సూర్య వంటి స్టార్ హీరోలతో నటిస్తోంది. అలాగే.. ఆ సినిమాలో ఫ్రెండ్ క్యారెక్టర్ ప్లే చేసిన సంగీత్ ప్రతాప్ (Sangeeth Prathap), శ్యామ్ మోహన్ (Shyam Mohan) లు కూడా మంచి ఆఫర్లతో బిజీ అయిపోయారు.
Home