టాలీవుడ్ దర్శకుల్లో మెహర్ రమేశ్ అనే దర్శకుడు గుర్తు ఉన్నాడా? అదే మన ఎన్టీఆర్ కు, ప్రభాస్ కు, చివరకు వెంకీకు భారీ డిజాస్టర్స్ ను అందించి వాళ్ళ కరియర్ ను గాడి తప్పించి తాను మాత్రం తెరవెనుకనే ఉండిపోయిన మహా దర్శకుడు. మెహర్ రమేశ్ గొప్పతనం ఏంటి అంటే సినిమాలో మ్యాటర్ లేకపోయినా పబ్లిసిటీలో పవర్ ఉంటుంది. ఎలాగా అంటే…పబ్లిసిటీతో సినిమాను పీక్స్ కు తీసుకెళ్ళి, ప్రి రిలీజ్ వ్యవహారం చూస్తే మనోడు ఇండస్ట్రీ హిట్ ఇచ్చేస్తాడేమో అన్న భావన కలిగించే అంత భారీ హంగామా చేస్తాడు. కట్ చేసి సినిమా విడుదల అయితేగాని తెలీదు సినిమా డిజాస్టర్ కు బ్రాండ్ అంబాసిడర్ గా మారుతుంది అని. అలా తాను సృష్టించిన డిజాస్టర్ ప్రభంజనాల్లో ఎన్టీఆర్ కంత్రి, శక్తి ఉండగా..ఇక ప్రభాస్ బిల్లా, వెంకీ ష్యాడొ సైతం ఉన్నాయి.
అయితే అలాంటి ఘన పరాజయాలను సాధించిన ఈ మాణిక్యం దర్శకత్వంలో ప్రిన్స్ నటించనున్నాడు. ఇంతకీ సినిమా ఏంటి? నిర్మాత ఎవరు? అంటే…అది సినిమా కాదు…ఒక కమర్షియల్ యాడ్. పోకిరి సినిమాకు పూరీ జగన్నాధ్ దర్శకత్వంలో అసిస్టెంట్ డైరెక్టర్ గా పనిచేసిన ఈ డైరెక్టర్ భారీ అవకాశాలు వచ్చినా వాటిని వినియోగించుకోకపోవడంతో ఫ్లాప్ దర్శకుడిగా మిగిలిపోయాడు. ఇక చేసేది ఏమీ లేక సినిమా అవకాశాలు లేక ఇదిగో ఇలా యాడ్స్ చేసుకుంటున్నాడని సమాచారం.
అయితే పోకిరి సాన్నిహిత్యంతో మహేష్ చేయబోయే ఓ యాడ్ కు మెహెర్ రమేష్ డైరెక్ట్ చేస్తున్నాడట. ప్రస్తుతం సౌత్ లో క్రేజీ హీరోగా ఎక్కువ యాడ్స్ లో నటిస్తున్నాడు మహేష్ బాబు….మరి మెహెర్ దర్శకత్వంలో సినిమాలు ఎలాగు ఫ్లాపే అవుతాయి కనీసం ఈ యాడ్ అయినా హిట్ అవుతుందో లేదో చూడాలి.
