Prithviraj, Chiranjeevi: స్టార్‌ హీరోకు వరుసగా నో చెప్పిన పృథ్వీరాజ్‌… ఎందుకంటే?

చిరంజీవితో (Chiranjeevi) కలసి పని చేసే అవకాశం వస్తే ఎవరైనా నో చెబుతారా? ప్రశ్నకు కచ్చితంగా ‘నో’ అనే సమాధానమే వస్తుంది. ఎందుకంటే ఆయనతో సినిమా చేయాలని చాలామంది వెయిట్‌ చేస్తున్నారు. కానీ ఓ నటుడు / దర్శకుడు మాత్రం రెండు సార్లు ఛాన్స్‌ వచ్చినా చేయలేదు. అయితే ఆయన అలా చేయకపోవడానికి కారణం వింటే… ఓ సినిమా విషయంలో ఇంత ప్రేమ చూపిస్తారా? ఓ సినిమా కోసం ఇంత చేస్తారా? అని అనిపిస్తుంది.

అదేంటి రెండు సార్లు ఛాన్స్‌ వదులుకోవడం సినిమా మీద ప్రేమ చూపించడమా అంటారా? ఆయన ఆ రెండుసార్లూ వదులుకోవడానికి కారణం ఇంకో గొప్ప సినిమ కాబట్టి. చిరంజీవితో కలసి పని చేసే ఛాన్స్‌ వదులుకున్న వ్యక్తి మలయాళ స్టార్‌ హీరో పృథ్వీ రాజ్ సుకుమారన్ (Prithviraj Sukumaran) కాగా, ఆ రెండు ఛాన్స్‌లు ‘సైరా’(Sye Raa), ‘గాడ్‌ ఫాదర్‌’(God Father). ఇక ఆయన వదులుకోవడానికి కారణమైన సినిమా ‘ది గోట్‌ లైఫ్‌’ / ‘ఆడు జీవితం’ (The Goat Life). ఈ సినిమా ప్రచారంలో భాగంగానే పృథ్వీరాజ్‌ సుకుమారన్‌ ఈ విషయాన్ని చెప్పారు.

సర్వైవల్ డ్రామాగా తెరకెక్కిన ‘ఆడు జీవితం’ సినిమా మార్చి 28న థియేటర్లోకి రాబోతుంది. ఈ క్రమంలో మీడియాతో పృథ్వీ రాజ్ మాట్లాడుతూ ఈ వ్యాఖ్యలు చేశారు. ‘ది గోట్ లైఫ్‌’ సినిమా వల్ల చిరంజీవి రెండు ఆఫర్లను తిరస్కరించాల్సి వచ్చిందని చెప్పిన పృథ్వీరాజ్‌ దాదాపు ఎనిమిదేళ్ల పాటు ఆ సినిమా షూటింగ్‌ జరుపుకున్న సంగతి చెప్పారు. 2017లో చిరంజీవి తన హిస్టారికల్‌ సినిమా ‘సైరా నరసింహరెడ్డి’లో ఓ కీలక పాత్ర కోసం పృథ్వీరాజ్‌ను సంప్రదించారు. అప్పుడు ‘ది గోట్‌ లైఫ్‌’ గురించి చెప్పి నో చెప్పారు.

ఆ తర్వాత మరోసారి ‘లూసిఫర్‌’ రీమేక్‌ను డైరెక్ట్‌ చేయమని చిరు అడిగారు. అప్పటికి ఈ సినిమా పని అవ్వకపోవడంతో మళ్లీ నో చెప్పారట. 1990లో జీవనోపాధి కోసం సౌదీకి వలస వెళ్లిన నజీబ్ అనే కేరళ యువకుడి జీవిత కథగా ఆధారంగా ‘ఆడు జీవితం’ సినిమాను రూపొందించారు. ఏడారి దేశానికి వలస వెళ్లిన ఆ కుర్రాడు అక్కడ ఎన్ని కష్టాలు పడ్డాడనే అంశం చుట్టూ ఈ సినిమా సాగుతుంది. పాస్ పోర్టులు లాక్కోవటం, బానిసలుగా మార్చుకోవటం, ఇమిగ్రేషన్ కష్టాలు, ఎడారిలో బతుకు లాంటి ఎన్నో అంశాలు ఈ సినిమాలో ఉంటాయట.

ఓం భీమ్ బుష్ సెన్సార్ రివ్యూ!

విజయ్ కారు ధ్వంసం.. కారణం?
‘ఉస్తాద్ భగత్ సింగ్’ నుండీ మరో గ్లింప్స్ వచ్చేసింది.. ఎలా ఉందంటే?