మహేష్ సినిమాలో ప్రియప్రకాష్ వారియర్..!

May 1, 2020 / 04:21 PM ISTByFilmy Focus

Join Us

‘సరిలేరు నీకెవ్వరు’ వంటి బ్లాక్ బస్టర్ తర్వాత ‘మహర్షి’ దర్శకుడు వంశీ పైడిపల్లి డైరెక్షన్లో మహేష్ బాబు ఓ చిత్రం చెయ్యాల్సి ఉంది. కానీ కొన్ని కారణాల వల్ల కుదరకపోవడంతో సీన్ లోకి ‘గీత గోవిందం’ దర్శకుడు పరశురామ్(బుజ్జి) ఎంటర్ అయ్యాడు. ‘మైత్రి మూవీ మేకర్స్’ వారు నిర్మిస్తున్న ఈ చిత్రానికి సంబంధించిన పూర్తి వివరాలు మే 31 న మహేష్ తండ్రి సూపర్ స్టార్ కృష్ణ పుట్టినరోజున ప్రకటిస్తారని సమాచారం.

అయితే ఈ చిత్రంలో హీరోయిన్ గా మొదట కీర్తి సురేష్ ను తీసుకుంటున్నారంటూ ప్రచారం జరిగింది. కానీ ఇప్పుడు మరో హీరోయిన్ పేరు వినిపిస్తుంది. గతంలో ఈమె సోషల్ మీడియాను ఓ ఊపు ఊపేసింది. ఈ పాటికే మీకు అర్ధమైపోయి ఉంటుంది. ‘ఒరు ఆడార్ లవ్’ చిత్రంలోని చిన్న సాంగ్ బిట్.. లో కన్ను కొట్టి దేశవ్యాప్తంగా పాపులర్ అయిపోయిన ప్రియా ప్రకాష్ వారియర్. ఈమెను ‘మహేష్ 27’ లో హీరోయిన్ గా అనుకుంటున్నారట.

Priya Prakash Varrier opposite to Mahesh Babu1

అయితే మెయిన్ హీరోయిన్ గా కాదులెండి… సెకండ్ హీరోయిన్ లేదా ఓ కీలక పాత్ర కోసం ఈమెను తీసుకుంటున్నారు. ఈమెకు ప్రస్తుతం ఆఫర్లు లేవు. చిన్న ఆఫర్ కూడా రావడం లేదు. ఇలాంటి టైములో ఏకంగా మహేష్ సినిమాలో ఛాన్స్ రావడం అంటే మాటలు కాదు. ఇక ఈ చిత్రానికి గోపి సుందర్ సంగీతం అందిస్తున్నాడు అని టాక్ నడుస్తుంది. అందులో ఎంత వరకూ నిజముందో చూడాల్సి ఉంది.