Priyadarshi: ‘గేమ్ ఛేంజర్’ కి 25 రోజులు కాల్షీట్స్ ఇచ్చాను.. ఓపెన్ అయిపోయిన ప్రియదర్శి!

రాంచరణ్ (Ram Charan)  – శంకర్ (Shankar) కాంబినేషన్లో ‘గేమ్ ఛేంజర్’ (Game Changer)  అనే సినిమా రూపొందింది. దిల్ రాజు ఈ చిత్రాన్ని నిర్మించారు. ఈ ఏడాది సంక్రాంతి కానుకగా ఈ సినిమా ప్రేక్షకుల ముందుకు వచ్చింది. దాని ఫలితం ఏంటో అందరికీ తెలుసు. అయితే ఈ సినిమా రిలీజ్ అయిన వారం రోజులకే..’ ‘గేమ్ ఛేంజర్’ ఫైనల్ ఔట్పుట్ తో నేను సంతృప్తిగా లేను.. చాలా ఫుటేజీ డిలీట్ చేయాల్సి వచ్చింది’ అంటూ కామెంట్ చేశాడు.

Priyadarshi

సో ఈ సినిమాలో చాలా పోర్షన్ బయటకి రాలేదు అని అందరికీ ఒక క్లారిటీ వచ్చేసింది. అందులో ప్రియదర్శి (Priyadarshi) నటించిన ఫుటేజీ కూడా చాలా ఉంది అని టాక్ నడిచింది. ఈ విషయంపై ‘కోర్ట్’ (Court) ప్రమోషన్స్ లో క్లారిటీ ఇచ్చాడు. ప్రియదర్శి ఈ విషయంపై స్పందిస్తూ ” ‘గేమ్ ఛేంజర్’ సినిమా నేను ‘బలగం’ (Balagam) కంటే ముందు సైన్ చేసిన సినిమా.

ఆ టైంలో హీరో ఫ్రెండ్ రోల్స్ చేస్తుండేవాడిని. ఆ సినిమాకి చాలా టైం పట్టింది. అది అందరికీ తెలుసు. ఆ సినిమా షూటింగ్ ఎలా మొదలైంది, ఎలా సాగింది అనేది ఇండస్ట్రీ మొత్తానికి తెలుసు. ‘గేమ్ ఛేంజర్’ సినిమాలో చాలా సీన్స్ చేశాను. అవి ఎడిటింగ్లో పోయాయి. అంతకు మించి వేరే కారణాలు లేవు. నేను 25 రోజులు ఆ సినిమాకి కాల్షీట్స్ ఇచ్చాను.

కానీ 2 మినిట్స్ కూడా ఉండను. అది నేను ముందే ఊహించాను. కానీ శంకర్ వంటి గొప్ప దర్శకుడు, రాంచరణ్ వంటి గొప్ప హీరో సినిమాలో నటించే ఛాన్స్ మళ్ళీ రాదు అనిపించింది. అందుకే నేను ఆ సినిమాలో నటించడానికి ఇంట్రెస్ట్ చూపించాను” అంటూ చెప్పుకొచ్చాడు. దానికి సంబంధించిన వీడియో ఇప్పుడు వైరల్ అవుతుంది.

4వ సారి తండ్రైన బిగ్ బాస్ కంటెస్టెంట్.. పిక్ వైరల్!