Ambika Krishnan: బాలకృష్ణ తిట్టినా ఆ దర్శకుడు మారలేదు!

నందమూరి బాలకృష్ణ కెరీర్ లో డిజాస్టర్ గా నిలిచిన చిత్రాల్లో ‘వీరభద్ర’ ఒకటి. దర్శకుడు ఏఎస్ రవికుమార్ చౌదరి ఈ సినిమాను తెరకెక్కించాడు. నిర్మాత అంబికా కృష్ణ ఈ సినిమాను అప్పట్లో భారీ బడ్జెట్ తో నిర్మించారు. అయితే ఈ సినిమా డిజాస్టర్ కావడానికి దర్శకుడు రవికుమార్ చౌదరి అని అతడొక పెద్ద నీచుడు, దుర్మార్గుడు అంటూ సంచలన కామెంట్స్ చేశారు నిర్మాత అంబికా కృష్ణ. ఇటీవల ఓ యూట్యూబ్ ఛానెల్ కి ఇచ్చిన ఇంటర్వ్యూలో ‘వీరభద్ర’ సినిమా గురించి మాట్లాడారు అంబికా కృష్ణ.

ఆ సినిమా అంత ఘోరంగా ఫెయిల్ అవ్వడానికి కారణం దర్శకుడు ఏఎస్ రవికుమార్ అని.. ఈ మాట చెప్పడానికి తనకు ఎలాంటి భయం లేదని అన్నారు. వాడి వల్లే సినిమా పాడైపోయిందని.. ఇష్టం వచ్చినట్లు సినిమా తీసేసి.. ఇష్టం వచ్చినట్లు ఖర్చు పెట్టేసి.. సినిమాను నాశనం చేశాడని అన్నారు. బాలకృష్ణ గారి కాల్షీట్లు దొరికినప్పుడు ఎంత జాగ్రత్తగా సినిమా తీయాలి..? వాడు మాత్రం తాగి షూటింగ్ కి వచ్చేవాడు అంటూ సంచలన కామెంట్స్ చేశారు.

బాలకృష్ణ కూడా ఈ విషయంలో చాలా సార్లు తిట్టారని కానీ ఆ నీచుడు మారలేదని చెప్పారు. ‘వీరభద్ర’ సినిమా పోవడానికి కారణం బాలయ్య కాదని.. దర్శకుడే అని అన్నారు. ఈ సినిమాతో ఆర్థికంగా తను ఎంతో నష్టపోయానని చెప్పుకొచ్చారు. ఆ తరువాత బాలయ్య మనం మరో సినిమా చేద్దామని అన్నట్లు.. అది ఆయన మంచితనమని అన్నారు.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!