ఆర్భాటాలకు దూరంగా దిల్ రాజు రెండో వివాహం!

టాలీవుడ్ ఏస్ ప్రొడ్యూసర్ దిల్ రాజు రెండో వివాహంపై కొన్ని రోజుల క్రితం వరుస కథనాలు ప్రచారం అయ్యాయి. వీటిని ఆయన సన్నిహితులు కొట్టిపారేయగా ఆయన మాత్రం నోరు మెదపలేదు. అప్పటి నుండి దిల్ రాజు పెళ్లి చేసుకోవడం ఖాయం అనే మాట వినిపిస్తూనే ఉంది. పరిశ్రమ వర్గాలలో ఆయన పెళ్లిపై నెలకొన్న సందిగ్దతకు, అనుమానాలకు తెరదించుతూ దిల్ రాజు నేడు స్వయంగా ప్రకటన చేశారు. ఆయన ఓ ఎమోషన్ నోట్ ద్వారా ఈ విషయాన్ని బహిర్గతం చేశారు.

‘ప్రస్తుతం ఈ ప్రపంచం ఎదురుకుంటున్న పరిస్థితులను ఎవ్వరూ జీర్ణించుకోలేపోతున్నాము. ఇలాంటి కష్ట సమయంలో వృత్తిపరంగా ఎదురయ్యే ఇబ్బందుల నుండి త్వరగా కోలుకోలేము. ఇక వ్యక్తిగతంగానూ నాకు గత కొన్ని రోజుల ఇబ్బందులు ఎదురవుతున్నాయి. అంతా త్వరలోనే సర్దుకుంటుందని, అందరికీ మంచి రోజులు వస్తాయని ఆశిస్తున్నాను. అదే ఆశతో నా కొత్త జీవితాన్ని ప్రారంభించబోతున్నాను. అందుకు ఇదే అదునైన సమయంగా భావిస్తున్నాను’ అని ఓ నోట్ సోషల్ మీడియా ద్వారా పంచుకున్నారు. నేడు ఆయన వివాహం నిజామాబాద్ జిల్లాలో ఆయన కుటుంబ సభ్యులు నిర్మించిన శ్రీ వెంకటేశ్వర స్వామి దేవాలయంలో రాత్రి 11:00 గంటలకు జరగనుంది. ఐతే దిల్ రాజు పెళ్లి చేసుకోబోతున్న వధువు ఎవరు అనేది ఇంకా తెలియదు.

2017 మార్చి 11న దిల్ రాజు సతీమణి అనిత అనారోగ్యం కారణంగా అకాల మరణం పొందారు. అప్పటి నుండి ఒంటరి జీవితం గడుపుతున్న దిల్ రాజు, వ్యక్తి గతంగా, వృత్తి పరంగా కొన్ని ఒడిడుకులు ఎదుర్కొంటున్నట్లు తెలుస్తుంది. ఇక ఈ ఏడాది ఆయన నిర్మించిన జాను పరాజయం పొందగా, భారీ బడ్జెట్ తో నిర్మించిన వి, వకీల్ సాబ్ సినిమాలు విడుదలకు నోచుకోకుండా ఆయన్ని ఇబ్బంది పెడుతున్నాయి. ఇలాంటి కారణాల చేత ఒత్తిడిలో ఉన్న దిల్ రాజు రెండో వివాహం ఆలోచన చేసినట్లు తెలుస్తుంది. దిల్ రాజు ప్రస్తుత వయసు 49 సంవత్సరాలు.

Most Recommended Video

అతి తక్కువ వయసులో లోకం విడిచిన తారలు
అత్యధిక ప్రీ రిలీజ్ బిజినెస్ చేసిన తెలుగు సినిమాలు…!
‘మహానటి’ లోని మనం చూడని సావిత్రి, కీర్తి సురేష్ ల ఫోటోలు…!