Naga Vamshi: రిపోర్టర్ సురేష్ కొండేటి పై సీరియస్ అయిన ప్రొడ్యూసర్ నాగ వంశీ!

September 27, 2023 / 08:48 PM ISTByFilmy Focus

Join Us

Naga Vamshi: రిపోర్టర్ సురేష్ కొండేటి పై సీరియస్ అయిన ప్రొడ్యూసర్ నాగ వంశీ!

చిత్ర పరిశ్రమలో నిర్మతగా ఎంతో మంచి గుర్తింపు సంపాదించుకున్నటువంటి వారిలో నిర్మాత సూర్యదేవరనాగ వంశీ ఒకరు. ఈయన ఇండస్ట్రీలో పలు సినిమాలను నిర్మిస్తూ నిర్మాతగా ఎంతో మంచి గుర్తింపు సంపాదించుకున్నారు. ఇక త్వరలోనే ఈయన నిర్మాణంలో తెరకెక్కిన మ్యాడ్ అనే సినిమా ప్రేక్షకుల ముందుకు రాబోతుంది. ఈ సినిమా అక్టోబర్ ఆరవ తేదీ విడుదల కానున్న నేపథ్యంలో ప్రమోషన్ కార్యక్రమాలను మొదలుపెట్టారు. ఈ సందర్భంగా ఈ సినిమా నుంచి ట్రైలర్ లాంచ్ కార్యక్రమాన్ని నిర్వహించారు.

ఈ కార్యక్రమంలో భాగంగా చిత్ర బృందం మీడియా సమావేశంలో పాల్గొన్నారు . సెలబ్రిటీలను చిక్కు ప్రశ్నలు వేస్తూ వారిని ఇబ్బంది పెట్టడంలో జర్నలిస్ట్ సురేష్ కొండేటి ముందు వరుసలో ఉంటారు. ఈయన అడిగే ప్రశ్నలకు సెలబ్రిటీలు సీరియస్ అయినటువంటి సందర్భాలు కూడా ఉన్నప్పటికీ ఈయన అదే ధోరణిలో ప్రశ్నలు అడుగుతూ ఉంటారు. ఈ క్రమంలోనే సురేష్ కొండేటి నిర్మాత నాగ వంశీని ప్రశ్నిస్తూ ఇప్పటికే దిల్ రాజు తన కుమార్తె హన్షిత రెడ్డిని ఇండస్ట్రీకి నిర్మాతగా పరిచయం చేస్తూ బలగం వంటి సూపర్ హిట్ సినిమాని చేశారు.

మీరు (Naga Vamshi) కూడా మీ చెల్లెల్ని ఇండస్ట్రీకి నిర్మాతగా పరిచయం చేసి అలాంటి సినిమాని ఏమైనా ప్లాన్ చేస్తున్నారా అంటూ ప్రశ్నించారు. ఈ ప్రశ్నకు నిర్మాత నాగ వంశీ కాస్త సీరియస్ అయ్యారు. దిల్ రాజు తన కుమార్తెను నిర్మాతగా పెట్టి బలగం సినిమా చేస్తే నేను కూడా అలాంటి సినిమా చేయాలని రూలేమీ లేదు మేము ఇండస్ట్రీలో ఉన్నాము కాబట్టి మా చెల్లెలు కూడా ఇండస్ట్రీలోకి రావాలని కోరుకుంటుంది.

సినిమాలు అయినా రాజకీయాలు అయినా వ్యక్తిగత ఆసక్తి ఉంటే మాత్రమే వస్తారని ఎవరో ప్రోద్బలంతో రారు అంటూ ఈ సందర్భంగా సురేష్ కొండేటి పై నాగ వంశీ ఆగ్రహం వ్యక్తం చేశారు. ఇక గుంటూరు కారం సినిమా గురించి మాట్లాడుతూ ఈ సినిమా సంక్రాంతికి విడుదలవుతుందని ఈ సినిమా రాజమౌళి సినిమా రేంజ్ లో కలెక్షన్స్ రాబడుతుంది అంటూ ధీమా వ్యక్తం చేశారు.