హారిక హాసిని అనుబంధ సంస్థ సీతారా ఎంటర్టైన్మెంట్స్ ఇటీవల వరుసగా సినిమాలు చేసుకుంటూ వెళుతున్న విషయం తెలిసిందే. త్రివిక్రమ్ దర్శకత్వంలో వరుసగా సినిమాలు చేస్తున్న చిన బాబు హారిక హాసిని సంస్థ బాధ్యతలు తీసుకోగా ఆయన కుమారుడు నగవంశీ సీతారా ఎంటర్టైన్మెంట్స్ లో వరుసగా సినిమాలు నిర్మిస్తున్నారు. యువ నిర్మాతగా మంచి క్రేజ్ అందుకుంటున్న నాగవంశీ చాలమంచి సినిమాలను నిర్మిస్తున్నాడు. అంతే కాకుండా కొత్త వారికి కూడా అవకాశాలు ఇస్తున్నాడు.
ప్రస్తుతం భీమ్లా నాయక్ వంటి పెద్ద సినిమాలను కూడా నిర్మిస్తున్నారు. అయితే ఇటీవల డీజే టిల్లు సినిమా ప్రమోషన్ లో భాగంగా నాగ వంశీ మాట్లాడిన విధానం అందరిని ఆశ్చర్యపరిచింది. సాధారణంగా నాగవంశీ చాలా సైలెంట్ అని బయట జనాలకు తెలుసు. ఆయన సినిమా ఈవెంట్స్ లో కూడా మాట్లాడేది చాలా తక్కువ. ఇక డీజే టిల్లు లాంటి యూత్ఫుల్ రొమాన్స్ కామెడీ సినిమాను రిలీజ్ చేస్తున్న ప్రభావమో ఏమో గాని ఇటీవల ప్రెస్ మీట్ లో చాలా ఘాటుగా మాట్లాడాడు.
డీజే టిల్లు మీ బయోపిక్ అనుకోవచ్చా అంటూ సరదాగా ఒక విలేకరి అడగడంతో ఇంతమంచి హీరోయిన్ ని ముద్దు పెట్టుకునే అవకాశం వస్తే నేనే నటిస్తాను కాదా అంటూ సమాధానం ఇచ్చారు. భవిష్యత్తులో హీరోగా చేస్తారా అని కొందరు అడగడంతో మీరే డైరెక్టర్ ను చూడండి అంటూ సమాధానం ఇచ్చారు. అంతే కాకుండా భీమ్లా నాయక్ సినిమా రిలీజ్ ఎప్పుడు అని అడగడంతో జగన్ గారు ఎప్పుడైతే 50% ఆక్యుపెన్సీ తీసేస్తారో అప్పుడే రిలీజ్ చేస్తామని అన్నారు.
ఇక భీమ్లా నాయక్ సినిమా మాస్ సినిమా అంటూ డీజే టిల్లు మాత్రం రొమాంటిక్ యూత్ఫుల్ మూవీ అని వివరణ ఇచ్చారు. ఇక ఈ ఏడాది తమ బ్యానర్ నుంచి మరో మూడు చిన్న సినిమాలు కూడా రాబోతున్నట్లు నగవంశీ వివరణ ఇచ్చారు. ఏదేమైనా కూడా నాగ వంశీ మొదటిసారి మాట్లాడిన విధానం సోషల్ మీడియాలో వైరల్ గా మారింది.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
Home