విజయలక్ష్మిని వరించడం అనేది అంత సులభమైన విషయం కాదు. అయితే.. అదృష్టలక్ష్మి కలిసొచ్చిందో లేక అమ్మడి స్క్రిప్ట్ సెలక్షన్ బాగుందో తెలియదు కానీ.. రష్మిక చూస్తుండగానే “ఛలో, గీత గోవిందం” చిత్రాలతో రెండు వరుస విజయాలు అందుకొంది. ఇప్పుడు అమ్మడు నటిస్తున్న తాజా చిత్రం “దేవదాస్” కూడా సూపర్ హిట్ కొట్టి రష్మికకు హ్యాట్రిక్ హిట్ కట్టబెట్టేలా ఉంది. నిన్న విడుదలైన ఈ చిత్రం టీజర్ లో నాగార్జున-నానిల బ్రోమాన్స్ చూడముచ్చటగా ఉండగా.. టీజర్ భలే ఎంటర్ టైనింగ్ గా ఉంది.
సెప్టెంబర్ 27న విడుదలవుతున్న “దేవదాస్” అనంతరం రష్మిక మోస్ట్ వాంటెడ్ మాత్రమే కాదు హ్యాట్రిక్ హీరోయిన్ గా మారిపోవడం ఖాయం. సొ, అమ్మడు ఇదే తరహా స్క్రిప్ట్ సెలక్షన్ ప్రొసెస్ ను ఫాలో అవుతూ కెరీర్ కొనసాగించిందంటే.. ఆమెను మరో అయిదారేళ్ళ వరకు ఆపడం ఎవరి తరమూ కాదు. ఈ సినిమా తర్వాత అమ్మడు మళ్ళీ విజయ్ దేవరకొండతోనే “డియర్ కామ్రేడ్” సినిమాలో నటిస్తుండడం విశేషం.
Home