Ajith Kumar: ‘గుడ్ బ్యాడ్ అగ్లీ’ రిలీజ్.. ఫ్యాన్స్ కి బ్యాడ్ న్యూస్ చెప్పిన ‘పుష్ప 2’ నిర్మాత!

2025 సంక్రాంతికి ఆల్రెడీ కొన్ని సినిమాలు స్లాట్..లు కుదుర్చుకున్నాయి. అవే మెగా పవర్ స్టార్ రాంచరణ్ నటించిన ‘గేమ్ ఛేంజర్’ , బాలయ్య నటించిన ‘డాకు మహారాజ్’, వెంకటేష్ నటించిన ‘సంక్రాంతికి వస్తున్నాం’ వంటి సినిమాలు రిలీజ్ కాబోతున్నాయి. వీటితో పాటు అజిత్ ‘గుడ్ బ్యాడ్ అగ్లీ’ సినిమా కూడా రిలీజ్ అవుతుంది అని కొన్ని నెలల క్రితం ప్రకటన వచ్చింది.

Ajith Kumar

‘మైత్రి మూవీ మేకర్స్’ సంస్థపై నవీన్ ఎర్నేని, వై రవిశంకర్..లు ఈ చిత్రాన్ని నిర్మిస్తున్నారు. విశాల్ తో ‘మార్క్ ఆంటోనీ’ అనే టైం ట్రావెల్ కాన్సెప్ట్ తో సినిమా చేసి బ్లాక్ బస్టర్ కొట్టిన అదిక్ రవిచంద్రన్ దీనికి దర్శకత్వం వహిస్తున్నాడు. ఫస్ట్ లుక్ పోస్టర్ కూడా ఇంట్రెస్టింగ్ అనిపించింది.

సంక్రాంతికి 4 పెద్ద సినిమాలు రిలీజ్ అయినా ప్రేక్షకులు చూస్తారు. పైగా ప్రతి ఏడాది ఓ డబ్బింగ్ సినిమా సంక్రాంతికి రిలీజ్ అవ్వడం అనేది ఆనవాయితీగా వస్తోంది. ఈసారి ‘గుడ్ బ్యాడ్ అగ్లీ’ ఆ ప్లేస్..ని భర్తీ చేస్తుందేమో అని అంతా అనుకున్నారు. తమిళంలో పెద్ద సినిమాలు లేవు కాబట్టి..

‘గుడ్ బ్యాడ్ అగ్లీ’ కి అక్కడ భారీ ఓపెనింగ్స్ వచ్చే ఛాన్స్ కూడా ఉంది. కానీ అనూహ్యంగా ఈ సినిమా 2025 సంక్రాంతి రేసు నుండి తప్పుకుంది. ఈరోజు తమిళనాడులో జరుగుతున్న ‘పుష్ప 2’ ఈవెంట్లో నిర్మాత నవీన్ ఎర్నేని ఈ విషయం పై క్లారిటీ ఇచ్చారు.’2025 సంక్రాంతికి ‘గుడ్ బ్యాడ్ అగ్లీ చిత్రాన్ని రిలీజ్ చేద్దాం అనుకున్నాం. కానీ క్వాలిటీ విషయంలో కాంప్రమైజ్ అవ్వడం ఇష్టం లేక ఆ టైంకి రిలీజ్ చేయడం కుదరట్లేదు’ అంటూ చెప్పుకొచ్చారు నవీన్ ఎర్నేని.

పేరైనా, పేమెంటైనా నిర్మాతల్ని అడిగి మరీ తీసుకోవాలి: దేవిశ్రీప్రసాద్