సింపురు జుట్టు దాన్ని.. సెవులెరుకన చుట్టదాన్ని…
చేతిలగ్గిపెట్టె దాన్ని.. ఉంగరాల మెట్ట దాన్నీ…
నేనట్టాంటిటాంటడదాన్ని కాదు బావో .. పల్సరు బైక్ మీద రాను బావ!
నేనట్టాంటిటాంటడదాన్ని కాదు బావో .. పల్సరు బైక్ మీద రరా బావ!
ఈ పాట మీరు వినే ఉంటారు. ఈ పాటకు చాలామంది డ్యాన్సర్లు వేసిన డ్యాన్స్ కూడా చూసే ఉంటారు. త్వరలో ఇదే పాటకు మాస్‌ మహారాజ్‌ రవితేజ డ్యాన్స్ వేయడం చూస్తారు. అవును, మీరు చదివింది నిజమే. ఈ యూట్యూబ్‌ సెన్సేషన్‌ సాంగ్‌ను రవితేజ తన సినిమాలోకి తీసుకున్నారట. ఎక్కడో ఉత్తరాంధ్రలో పుట్టిన ఈ పాట త్వరలో టాలీవుడ్‌లో సందడి చేయబోతోంది.
రమణ అనే ఫోక్‌ సింగర్‌ ఈ పాట పాడగా.. ఇప్పుడది సెన్సేషనల్‌ సాంగ్‌గా మారింది. ఆ పాట బీట్‌ వస్తే చాలు కుర్రకారు పూనకం వచ్చినట్లు ఊగిపోతున్నారు. మొన్నామధ్య ఈటీవీలో ఓ కార్యక్రమం ఈ పాట పాడిన రమణకు మంచి పేరొచ్చింది. అలాగే ఈ పాటకు డ్యాన్స్ చేసి ఝాన్సీకి కూడా మంచి ఆదరణ లభించింది. మామూలుగా ఇలాంటి అవకాశాలను చక్కగా ఒడిసిపట్టుకునే రవితేజ.. ఇప్పుడు ‘పల్సర్‌ బైక్..’ను తన సినిమాలో పెట్టేశాడట. ఈ పాట హక్కుల్ని కొని మరీ సినిమాలోకి తీసుకున్నాడట. త్వరలోనే దాని గ్లింప్స్‌ కూడా వస్తాయి అని చెబుతున్నారు.
రవితేజ – త్రినాథరావు నక్కిన కాంబినేషన్‌లో ‘ధమాకా’ అనే సినిమా రూపొందుతోంది. ఈ సినిమాను డిసెంబరు 23న విడుదల చేయాలని టీమ్‌ నిర్ణయించింది. దీనికి సంబంధించిన ప్రచార పనులు జోరుగా సాగుతున్నాయి. ఈ క్రమంలో టీమ్‌ నుండి ఓ అప్‌డేట్‌ కూడా వచ్చింది. అదే ఈ సినిమాలో ఫేమస్‌ శ్రీలంక సింగర్‌ యోహాని ఓ పాట పాడిందట. ‘మానికే మగే హితే..’ అంటూ యూట్యూబ్‌లో సంచలనం సృష్టించిన యొహానితో ఓ పాట పాడించారట. ఆ పాట గ్లింప్స్‌ కూడా త్వరలో వస్తాయట. ఇలా మొత్తంగా రవితేజ తన సినిమాలో ‘యూట్యూబ్‌ హిట్స్‌’ను పెట్టేస్తున్నాడన్న మాట.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
