ఈ మధ్య కాలంలో సినీ ఇండస్ట్రీలో వరుస విషాదాలు చోటు చేసుకుంటున్నాయి. కన్నడ స్టార్ హీరో పునీత్ రాజ్ కుమార్ గుండెపోటుతో మృతి చెందగా ఈ నెల 31వ తేదీన ఆయన అంత్యక్రియలు జరగనున్నాయి. పునీత్ రాజ్ కుమార్ మృతి గురించి తెలిసి ఎమోషనల్ అవుతున్న వాళ్లలో నందమూరి అభిమానులు ముందువరసలో ఉన్నారు. నందమూరి హీరోలతో పునీత్ రాజ్ కుమార్ ఎంతో సన్నిహితంగా ఉండేవారు. పునీత్ మరణ వార్తను ఇప్పటికీ ఆయన అభిమానులు జీర్ణించుకోలేకపోతున్నారు.
భాషతో సంబంధం లేకుండా అన్ని భాషల సినీ ప్రముఖులు పునీత్ కు సోషల్ మీడియా ద్వారా తమ సంతాపాన్ని తెలియజేస్తున్నారు. క్రిష్ డైరెక్షన్ లో బాలకృష్ణ హీరోగా తెరకెక్కిన గౌతమీపుత్ర శాతకర్ణి సినిమాలో పునీత్ రాజ్ కుమార్ సోదరుడు శివరాజ్ కుమార్ కీలక పాత్రలో నటించారు. కొన్ని సంవత్సరాల క్రితం బెంగళూరులో జరిగిన ఒక సినిమా ఫంక్షన్ కు బాలయ్య గెస్ట్ గా హాజరయ్యారు. ఆ సమయంలో పునీత్ రాజ్ కుమార్ బాలకృష్ణ విషయంలో ప్రత్యేక శ్రద్ధ తీసుకున్నారు.
స్టార్ హీరో అయినప్పటికీ బాలయ్య వచ్చి వెళ్లేవరకు పునీత్ అన్నీ దగ్గరుండి చూసుకున్నారు. బాలయ్య బుగ్గకు ఏదో అంటుకోగా పునీత్ తన చేతితో స్వయంగా తుడిచి పెద్దల పట్ల గౌరవాన్ని చాటుకున్నారు. పునీత్ రాజ్ కుమార్ చక్రవ్యూహ సినిమా కోసం ఎన్టీఆర్ ఒక పాట పాడిన సంగతి తెలిసిందే. పునీత్ ను కడసారి చూసేందుకు బాలయ్య, ఎన్టీఆర్ హాజరు కాగా ఎన్టీఆర్ స్నేహితుడిని చూసి భావోద్వేగానికి లోనయ్యారు. గంభీరంగా కనిపించే బాలకృష్ణ సైతం పునీత్ పార్థివ దేహాన్ని చూసి కంటతడి పెట్టుకున్నారు.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
