టాలీవుడ్ స్టార్ డైరెక్టర్లలో చాలామంది డైరెక్టర్లు ఒక సినిమాను తెరకెక్కించడానికి సంవత్సరం నుంచి రెండు సంవత్సరాల సమయం తీసుకుంటున్నారు. కానీ డేరింగ్ డాషింగ్ డైరెక్టర్ పూరీ జగన్నాథ్ మాత్రం కేవలం మూడు నుంచి నాలుగు నెలల్లో వేగంగా షూటింగ్ ను పూర్తి చేస్తారు. ఒక సందర్భంలో పూరీ జగన్నాథ్ టాలీవుడ్ స్టార్ హీరోల గురించి మాట్లాడుతూ ఏ హీరోకు ఏం చెబితే డేట్స్ ఇస్తారనే సీక్రెట్లను వెల్లడించారు. పవర్ స్టార్ పవన్ కళ్యాణ్ విలన్ గన్స్ డీలర్ అని ఇష్టం వచ్చినట్టు కాల్చేసుకోవచ్చని చెబితే డేట్స్ ఇస్తారని పూరీ జగన్నాథ్ అన్నారు.
అవుట్ డోర్ షూటింగ్ లేదని ఇండోర్ లోనే షూటింగ్ మొత్తం చేస్తున్నామని చెబితే ప్రభాస్ డేట్స్ ఇచ్చేస్తాడని పూరీ జగన్నాథ్ చెప్పారు. సినిమాతో ఇండస్ట్రీ రికార్డులు కొట్టేద్దామని చెబితే కుమ్మేద్దాం భయ్యా అంటూ తారక్ డేట్స్ ఇస్తారని పూరీ జగన్నాథ్ పేర్కొన్నారు. షూటింగ్ స్టార్ట్ చేస్తే 30 రోజుల్లో షూట్ పూర్తవుతుందని చెబితే రవితేజ డేట్స్ ఇస్తారని రేపు సినిమా స్టార్ట్ అవుతుందని ఎప్పుడు ఫినిష్ అవుతుందో తెలియదని చెబితే మహేష్ బాబు డేట్స్ ఇస్తారని పూరీ జగన్నాథ్ వెల్లడించారు.
అయితే చివరకు ఇది ఇండస్ట్రీలో టాక్ అని తాను కేవలం జోక్ గానే చెప్పానని పూరీ జగన్నాథ్ చెప్పుకొచ్చారు. ప్రస్తుతం స్టార్ హీరోలంతా వరుస సినిమాలతో బిజీగా ఉండగా పూరీ జగన్నాథ్ లైగర్ సినిమాతో బిజీగా ఉన్నారు. ఈ సినిమాలో విజయ్ దేవరకొండ హీరోగా నటిస్తున్న సంగతి తెలిసిందే. పాన్ ఇండియా మూవీగా ఈ సినిమా తెరకెక్కనుండగా ఈ సినిమాపై భారీగా అంచనాలు నెలకొన్నాయి.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
