చిరంజీవితో సినిమా చేయడం అనేది పూరి జగన్నాథ్ కల. ‘ఆంధ్రావాలా’ టైం నుండి ట్రై చేస్తున్నాడు.అంతకు ముందు ‘శివమణి’ కథ కూడా చిరుకి చెప్పాడు. కానీ అవి కార్యరూపం దాల్చలేదు. అమితాబ్ ‘బుడ్డా హోగా తేరా బాప్’ సినిమా ఈవెంట్ లో పూరితో సినిమా చేస్తానని చిరు చెప్పారు. తర్వాత ‘ఆటో జానీ’ కథ డిస్కషన్లు కూడా జరిగాయి. ఈ కథ గురించి ఈ మధ్యనే పూరీని చిరు అడిగిన సంగతి తెలిసిందే. ఆ కథని పక్కన పెట్టేసాను.
మీకోసం మరో కథ రెడీ చేసుకుని వస్తాను అంటూ పూరి చెప్పాడు. మరోపక్క ‘ఆటో జానీ’ చిత్రాన్ని ‘పైసా వసూల్’ పేరుతో బాలయ్య చేసినట్టు కథనాలు వినిపించాయి. ‘లైగర్’ డిజాస్టర్ అయినంత మాత్రాన పూరి టాలెంట్ ను తక్కువ చేయనవసరం లేదు. అన్ని అవమానాలను ఒక్క విజయంతో మరిపించగల సత్తా అతనికి ఉంది. అతను క్రియేట్ చేసే హీరోయిజం ‘లార్జర్ దేన్ లైఫ్’ అనే విధంగా ఉంటుంది. అందుకే పూరితో సినిమా చేయడానికి చిరు రెడీ. కానీ కథే సెట్ అవ్వాలి.
అందుకోసం తన వంతు ఎంత చెయ్యాలో.. అంతా చేస్తున్నాడు పూరి. తెరవెనుక ఈ కాంబో సెట్ చేయడానికి చాలా ప్రయత్నాలు జరుగుతున్నాయి. అయితే పూరి ముందుగా ‘జనగణమన’ ఫినిష్ చెయ్యాలి. ఆ ప్రాజెక్టు 8 నెలల్లో ఫినిష్ అయ్యే అవకాశాలు ఉన్నాయి. దాని రిజల్ట్ తో సంబంధం లేకుండానే పూరితో సినిమా చేయడానికి చిరు రెడీగా ఉన్నారు. పూరి కథతో చిరుని మెప్పిస్తే సరిపోతుంది. మిగతాదంతా దానికదే జరిగిపోతుంది అనేది ఇండస్ట్రీ సభ్యుల నమ్మకం.
అభిమానుల నమ్మకం కూడా..! ప్రస్తుతానికైతే చిరు ‘వాల్తేరు వీరయ్య’ ‘భోళా శంకర్’ చిత్రాలను ఫినిష్ చేసే పనిలో పడ్డారు. 2023 లో ఈ సినిమాలు రిలీజ్ కానున్నాయి. అదే ఏడాది చిరు- పూరి ల సినిమాకి సంబంధించిన అనౌన్స్మెంట్ కూడా వచ్చే అవకాశాలు ఉన్నాయి. చిరు నటించిన లేటెస్ట్ మూవీ ‘గాడ్ ఫాదర్’ లో కూడా చిరుతో కలిసి పూరి నటించిన సంగతి తెలిసిందే.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home