మహేష్ ని ఒప్పించిన పూరి జగన్నాధ్

కమర్షియల్ డైరక్టర్ పూరి జగన్నాధ్, సూపర్ స్టార్ మహేష్ బాబు కాంబినేషన్ చాలా పవర్ ఫుల్. వీరి కలయికలో వచ్చిన పోకిరి(2006) మూవీ సెన్సేషన్ సృష్టించింది. రికార్డులను తిరగరాసింది. మళ్లీ పూరి మహేష్ తో సినిమా తీయడానికి ఐదేళ్లు పట్టింది. 2012 లో రిలీజ్ అయినా బిజినెస్ మ్యాన్ బంపర్ హిట్ కొట్టింది. దీంతో వీరిది హిట్ కాంబినేషన్ గా ఇండస్ట్రీలో ముద్ర పడిపోయింది. పూరితో మహేష్ ఎప్పుడు సినిమా తీస్తాడా? అని అభిమానులు ఎదురు చూస్తున్నారు.

ఆ శుభసమయం తొందర్లోనే ఉందని తాజా సమాచారం. రీసెంట్ గా డాషింగ్ డైరక్టర్ తన కథతో మహేష్ ని ఫ్లాట్ చేసాడని, సినిమా చేసేందుకు ఒప్పించాడని ఫిల్మ్ నగర్ టాక్. ప్రస్తుతం ప్రిన్స్ మురుగదాస్ దర్శకత్వంలో 23వ మూవీ చేస్తున్నారు. ఈ చిత్ర షూటింగ్ డిసెంబర్ నాటికీ పూర్తి అవుతుంది. తర్వాత వంశీ పైడిపల్లి డైరక్షన్లో 24వ చిత్రం 2017లో సెట్స్ మీదకు వెళ్లనుంది. కెరీర్ లో కీలకమైన తన 25వ సినిమాను పూరితో చేసేందుకు మహేష్ ఆసక్తిగా ఉన్నట్లు తెలిసింది. ఆ సినిమాకు ఇదివరకు ప్రకటించినట్లుగా “జనగణమన” పేరును పెడుతారా? లేదా? అనేది ఇంకా తెలియాల్సి ఉంది.