అల్లు అర్జున్ – సుకుమార్ కాంబినేషన్ లో తెరకెక్కిన ‘పుష్ప'(పుష్ప ది రైజ్) చిత్రం గత ఏడాది డిసెంబర్ 17న విడుదలైన సంగతి తెలిసిందే. సినిమాకి మిక్స్డ్ టాక్ వచ్చినప్పటికీ బాక్సాఫీస్ వద్ద మాత్రం ఈ మూవీ భారీ కలెక్షన్లను రాబట్టింది. ముఖ్యంగా నార్త్ బెల్ట్ లో అయితే రూ.105 కోట్ల వరకు నెట్ కలెక్షన్లను సాధించింది. తమిళ, మలయాళ, కన్నడ భాషల్లో కూడా ఈ మూవీ హిట్ గా నిలిచింది. అల్లు అర్జున్ కు పాన్ ఇండియా ఇమేజ్ ను తెచ్చిపెట్టింది ఈ మూవీ.
దీంతో ‘పుష్ప 2′( పుష్ప ది రూల్) పై కూడా భారీ అంచనాలు నెలకొన్నాయి. నిజానికైతే ఈ మూవీని 2022 డిసెంబర్ లో విడుదల చేస్తామని మొదట ప్రకటించారు. కానీ ఇప్పటివరకు షూటింగ్ కూడా మొదలుకాలేదు. అయితే అందుతున్న తాజా సమాచారం ప్రకారం.. ‘పుష్ప2’ పాన్ వరల్డ్ మూవీగా తీర్చిదిద్దాలని మేకర్స్ భావిస్తున్నారట. ఇండియా వైడ్ అన్ని భాషలతో పాటు.. మరో 5 భాషల్లో ‘పుష్ప2’ ని విడుదల చేయబోతున్నట్లు తెలుస్తోంది.
‘పుష్ప 2’ కథ చైనా నేపథ్యంలో కూడా తీస్తారట. కాబట్టి.. చైనా తో పాటు మరికొన్ని దేశాలకు వెళ్ళి ‘పుష్ప 2’ షూటింగ్ జరిపేందుకు సన్నాహాలు చేస్తున్నారు. ఈ చిత్రం కూడా అన్ని భాషల్లో హిట్ అయితే అల్లు అర్జున్ ఇంటర్నేషనల్ హీరో అయిపోయే అవకాశం ఉంది. సుకుమార్ తెరకెక్కించిన ‘1 నేనొక్కడినే’ చిత్రానికి దేశ విదేశాల్లో కూడా అభిమానులు ఉన్నారు.
ఆ సినిమా తర్వాత సుకుమార్ రేంజ్ కూడా పెరిగింది. కాబట్టి.. ‘పుష్ప 2’ … ‘బాహుబలి'(సిరీస్), ‘కె.జి.ఎఫ్( సిరీస్) లను మించి బ్లాక్ బస్టర్ అయినా ఆశ్చర్యపోనవసరం లేదు.
Most Recommended Video
ఈ 10 మంది దర్శకులతో కనుక గోపీచంద్ సినిమాలు తీస్తే.. యాక్షన్ మూవీ లవర్స్ కు పండగే..!
డిజాస్టర్ టాక్ తో కూడా రూ.70 కోట్లు పైగా కలెక్ట్ చేసిన 10 సినిమాల లిస్ట్..!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
Home