Pushpa Promo: తెగ వైరల్ అవుతున్న ‘పుష్ప’ సాంగ్ ప్రోమో..!

‘అల వైకుంఠపురములో’ చిత్రం సూపర్ హిట్ అవ్వడానికి ముఖ్య కారణం మొదటి నుండీ విడుదల చేసిన పాటలు సూపర్ హిట్ అవ్వడం. ఇప్పుడు ‘పుష్ప’ విషయంలో కూడా అల్లు అర్జున్ అండ్ టీం అదే పద్దతిని ఫాలో అవుతుంది.క్రిస్మస్ కానుకగా డిసెంబర్ లో విడుదల కాబోతున్న ఈ చిత్రానికి పాటల పండుగ హడావిడి మాత్రం ముందు నుండే మొదలుకాబోతుంది. వివరాల్లోకి వెళితే.. అల్లు అర్జున్ హీరోగా సుకుమార్ ద‌ర్శ‌క‌త్వంలో తెరకెక్కుతున్న ‘పుష్ప’ చిత్రం నుండీ ఫస్ట్ సింగిల్ ను విడుదల చేయడానికి ముహూర్తం ఫిక్స్ చేశారు చిత్ర యూనిట్ సభ్యులు.

గతంలో వీరి కాంబినేషన్లో ‘ఆర్య‌, ఆర్య‌ 2’ సినిమాలు వచ్చాయి. కాబట్టి ‘పుష్ప’ పై మొదటి నుండీ భారీ అంచనాలు నెలకొన్నాయి. ‘మైత్రి మూవీ మేకర్స్’, ‘ముత్తంశెట్టి మీడియా’ సంస్థలు ఈ చిత్రాన్ని పాన్ ఇండియా లెవెల్లో రూపొందిస్తున్నాయి.ఇప్పటికే విడుదల చేసిన టీజర్ యూట్యూబ్ లో సరికొత్త రికార్డులు సృష్టించిన సంగతి తెలిసిందే. తాజాగా ‘దాక్కో దాక్కో మేక’ అనే సాంగ్ ప్రోమోని కూడా విడుదల చేశారు చిత్ర యూనిట్ సభ్యులు.నోటితో కత్తి పట్టుకుని అల్లు అర్జున్ ఊర మాస్ స్టెప్పులు వేస్తున్నాడు.

రేపు అనగా ఆగష్ట్ 13న ఉదయం 11: 07 నిమిషాలకు ‘పుష్ప’ ఫస్ట్ సింగిల్ ను విడుదల చేయబోతున్నట్టు కూడా ప్రకటించారు. దేవి శ్రీ ప్రసాద్, బన్నీ ల కాంబినేషన్లో ఎన్నో సూపర్ హిట్ ఆల్బమ్స్ వచ్చాయి. ‘పుష్ప’ ఆల్బమ్ కూడా అదే స్థాయిలో ఉండబోతుందని తాజాగా విడుదల చేసిన ‘దాక్కో దాక్కో మేక’ సాంగ్ ప్రోమో స్పష్టంచేసింది. ఆ ప్రమోని మీరు కూడా ఓ లుక్కేయండి :

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!